InfoHub Logo

Pedagogıkalyq sheberhana túrinde ótkizilgen ata - analar jınalysy
Maqsaty: Ata - analardy bir - birimen jaqyn tanystyrý; ata - analardyń mektepke degen kózqarasyn anyqtaý.
Synyptaǵy partalar 4 topqa arnap bólingen. Ár stolda bir fıgýralyq belgi bar (sharshy, sheńber,, úshburysh, ırek ), qaǵaz, qalam. Ár ata - ana synypqa kirerde ózine fıgýra tańdap, sol fıgýra turǵan stolǵa otyrady.

Muǵalim: Sálematsyzdar ma, ata - analar! Úsh aı boıy dem alyp, búgin barlyǵyńyzdy aman - esen kórgenime qýanyp otyrmyn. Búgingi alǵashqy jınalysymyzdy pedagogıkalyq sheberhana túrinde ótkizbekpin. Pedagogıkalyq sheberhana – bul ata - ana men muǵalimniń birigip jumys isteý ádisi. Endeshe búgin bárimiz birge sheberhanada jumys jasaıtyn bolamyz. Aldymen tańdaǵan fıgýralaryń boıynsha minezdemelerin oqıyn:

Sharshy – ózin turaqty ortada yńǵaıly sezinedi, naqty tapsyrmany qalaıdy. Ol barlyǵy belgilengen tártippen bolǵanyn jaqsy kóredi. Eger de oǵan tapsyrma berse, ol ony aıaqtaǵansha, tipti jalǵyz qalsa da, ornynan ketpeıdi.

Úshburysh - ózine maqsat qoıady. Ol únemi josparmen júredi jáne sol josparyn oryndaǵan saıyn odan lázzat alyp alǵa qaraı umtylady. Ol iri uzaq merzimdi isterge kóp kóńil bóledi de kishkentaı bólshekterge mán bermeıdi. Eger oǵan tapsyrma berse, ol aldymen ózine maqsat qoıyp sodan soń ony oryndaý josparyn qurady.

Sheńber – adammen tez til tabysa alady, kópshil. Ol basqalarmen qarym - qatynas jasap, sóılese júrip óz jumysyn bitiredi. Adamdardyń arasyndaǵy jaılylyqty eń aldyńǵy orynǵa qoıady. Eger de oǵan tapsyrma berse, ol basqa bireýmen aqyldasady.

Irek – shyǵarmashyl, ereksheligi kórinip turady. Ony kúndelikti jaǵdaı tez sharshatady, sondyqtan da ol jańa, ózgeshe bir nársemen shuǵyldaný qajet. Eger de onyń aldyna qandaı da bir mindet qoısa, onyń aldynda jańa ıdeıalar, jańa jobalar daıyn turady.
İİ. Jınalystyń maqsatymen tanystyrý,
Muǵalim: Búgingi balalarymyz týraly áńgimemizdi mynandaı bir áńgimeden bastaǵym keledi:
Ertede jurttyń barlyǵyna tanymal bir danyshpan turypty. Bir adam onyń barlyǵyn bile bermeıtinin dáleldegisi kelip aldyna keledi. Ol alaqanyna bir kóbelekti salyp danyshpannan suraıdy: «Aıtshy, meniń alaqanymdaǵy kóbelek tiri me álde óli me?». Al ózi ishinen oılaıdy: «Eger de tiri dese men ony qysyp óltirip tastaımyn. Al eger óli dese - ushyryp jiberemin.» Danyshpan oılanyp turyp: «Bári de óz qolyńda» dep jaýap beripti.
Bizdiń balalarymyz mektepte óz úıindeı sezinýge jaǵdaı jasaý bizdiń qolymyzda. Ol úshin muǵalim men ata - ana tyǵyz baılanysta bolyp birigip jumys júrgizý qajet. Búgingi jınalysymyzdyń maqsaty da sol - bir - birimizben jaqyn tanysý.

İİİ. Amandasý
Aldymen bir birimizben amandasyp alaıyq. Amandasýdy kishkene ózgeshe ótkizgim kelip tur. Sharshy belgiler qol alyp amandasady, úshburysh daýys arqyly, sheńber mımıka arqyly, ırek bas ızeý arqyly bir birimizben amandasyp alaıyq.

İÚ. «Tanysaıyq, bul biz!» (synyp oqýshylarynyń ózderin tanystyrý prezentasıasy)

Ú. «Sýretshiler»
Qazir aldaryńyzdaǵy aq qaǵazǵa bir ortaq sýret salasyzdar, taqyrypty ózderiń tańdańyzdar. Eskertý: sýretti barlyq ata - ana salý qajet. \bul sýret baldaryńyzǵa syılyq retinde tartý etemin.
Muǵalim: rahmet, sizderge. Barlyǵyńyz birlese otyryp ortaq jumysty óte muqıat oryndadyńyzdar. Árdaıym da osy qalypta jumys jasaıyq degim keledi.

VI. Asosıasıa jazý.
Qazir sizder aq qaǵaz betine «Mektep» degen sózge 5 asosıasıa jazýlaryńyz kerek. Bul toptyq jumys, sondyqtan da ár top músheleri birlese otyryp jazasyzdar.