InfoHub Logo

Maqsaty: Oqýshylardyń matematıka pánine degen qyzyǵýshylyǵyn arttyrý, yntalandyrý, matematıka pánin ómirmen baılanystyrý.
Ádisi: Oıyn júrgizý, ózara jarys.
Kórnekiligi: 1. Poezd - úsh vagonnan turady.
2. Anyqtama bólimi.
3. Kasa.
4. «Kosmosqa ushý» oıyny.
5. Betshelerdegi esepter.
6. Akvarıýmdaǵy balyqtar.
7. Esepter, rebýs, jumbaq.

Jospary: 1. Uıymdastyrý.
2. Poezǵa bılet alý.
3. Jolaýshylar arasyndaǵy saıys.
4. Qorytý.
Júrisi: Qurmetti ustazdar, oqýshylar! Búgin 7 - synyptar arasynda ótetin «Aqtaý - Astana» baǵyty boıynsha «Mektep - bilim» matematıkalyq oıynyn bastaımyz.

1 - júrgizýshi. Ýa, jarandar, jarańdar,
Myna bizge qarańdar.
Bólmede bizdiń tynyshtyq,
Estilmeıdi dybys túk.
Muny biz de qoshtaımyz.
Keshikkendi tospaımyz.
Ǵylymdardyń ǵylymy,
Matematıka jaıynda,
Oıynymyzdy bastaımyz.

Júrgizýshi – 2. Oıynǵa qatysýshy oqýshylar kelip, tapsyrmalaryn alýǵa bolady. Tapsyrmany alyp, oryndarynan shyǵaryp, anyqtama bólimine tapsyrady. (15 upaı jınaǵandar kýpege, 12 upaı jınaǵandar plaskartqa 8 upaı jınaǵandar jalpy vagonǵa bılet alady). Osy upaı sany boıynsha kasadan bılet alady.
Júrgizýshi: (3 ret qońyraý soǵady). Oıynshylar jolserikke bıletterin kórsetedi de vagonǵa otyrady.

1 - júrgizýshi. Ómir degen kók muhıttyń tolqyny,
Bir - birimen jatqan shýlap, jalǵasyp,
Bir - birimen jatqan týlap, arbasyp,
O, tolqyndar arpalysyp alǵa shyq -
dep aqyn jyrlaǵandaı, endeshe qaı top alǵa shyǵar eken.
Kýpedegiler - «Alǵyrlar», plaskarttaǵylar - «Tapqyrlar», jalpy vagondaǵylar «Oıshyldar» toby.

2 - júrgizýshi. Tyńdańyzdar, tyńdańyzdar «Aqtaý - Astana» baǵyty boıynsha «Mektep - bilim» poezy jolǵa shyqty.
Oıynshylar(ándetip).
Óner qýǵan matematık jastarmyz,
Esepterdi lezde sheship tastaımyz.
Komandalyq ylǵı tapqyr, qyrandar,
Jarysýǵa kelip turǵan ulandar.

1 - júrgizýshi. Tyńdańyzdar, tyńdańyzdar «Mektep - bilim» poezy «Balyqshylar stansıasyna» kelip toqtady. Bul stansıada «Balyq aýlaý» oıyny oınatylady. Ár toptan bir oqýshy kelip balyq aýlaıdy, ıaǵnı balyqtaǵy esepti shyǵarady. (Balyq aýlaý oıyny).
2 - júrgizýshi. Tyńdańyzdar, tyńdańyzdar «Mektep - bilim» poezy jolǵa shyqty.
Oıynshylar: Bilim qýǵan biz oqýshy ulandar,
Kelip turǵan jarysýǵa qyrandar.
Esep dese ishken asyn qoıatyn,
Biz bolamyz matematık ulandar.

1 - júrgizýshi. Tyńdańyzdar, tyńdańyzdar «Mektep - bilim» poezy «Jumbaq» stansıasyna kelip toqtady. Bul stansıasy jumbaq sheshemiz. (Úsh topqa úsh túrli jumbaq beriledi)
2 - júrgizýshi. Tyńdańyzdar, tyńdańyzdar «Mektep - bilim» poezy jolǵa shyqty.
Oıynshylar: Shaqyryp jarystarǵa san salaly,
Ulandar top jarǵaly jar salady.
Tý etip dostyq penen tatýlyqty,
Qarsylas komandasyn qarsy alady.

1 - júrgizýshi. Tyńdańyzdar, tyńdańyzdar «Mektep - bilim» poezy «Oıyn» stansıasyna kelip toqtady. Bul stansıada «Kosmosqa kim ushady?» oıyny oınalady, esepti qaı top durys shyǵarsa, sol ushý kerek. ( «Kosmosqa kim ushady?» oıynynda dóńgelekshelerge eseptiń sharty jazylyp, №3 esepke jetip shyǵarǵan top kosmosqa ushady).
2 - júrgizýshi. Tyńdańyzdar, tyńdańyzdar «Mektep - bilim» poezy óz saparyn jalǵastyrady.
Oıynshylar: Ulandar bıikterde qalyqtasyn,
Jeńispen kók júzinde sharyqtasyn.
Jeńis týy jelbirep alaýlasyn,
Báıgeni bizden eshkim ala almasyn.

1 - júrgizýshi. Tyńdańyzdar, tyńdańyzdar «Mektep - bilim» poezy «Rebýstar» stansıasyna kelip toqtady. Munda úsh top rebýs sheshedi.
2 - júrgizýshi. Tyńdańyzdar, tyńdańyzdar «Mektep - bilim» poezy jolǵa shyqty.
Oıynshylar: Dostyq pen birlikti biz etip tulǵa,
Jeńispen jetken edik talaı synda.
Qara qyldy qaq jaryp ádilqazym,
Eńbegin ulanyńnyń ádil syna.

1 - júrgizýshi. Tyńdańyzdar, tyńdańyzdar «Mektep - bilim» poezy Astana qalasyna kelip toqtady.
2 - júrgizýshi. Sóz ádil - qazylar alqasyna beriledi.
1 - júrgizýshi. Qurmetti ustazdar, oqýshylar! «Mektep - bilim» poezy óz saparyn aıaqtady. Kelip tamashalaǵandaryńyzǵa kóp - kóp rahmet, hosh saý bolyńyzdar.