InfoHub Logo

Tuńǵysh Prezıdent kúnin nege alyp tastady?

Qazaqta dýaly sóz bar: Bar bále-jala osymen ketsin degen. Sońǵy ýaqytta osy sóz týra maǵynasynda trendte. Ásirese bılik basyndaǵylar top deńgeıde qatardan ozbasa, qalǵan emes. Nege otyz jyl úndemegen Úkimet «Elbasy» statýsy aıyrylǵan sátten saıraı jóneldi? Álde eks-prezıdent shynymen Qazaqstandy qorqynyshta ustap keldime?

Qazaqta qaıtqan árýaqqa da tynyshtyq beredi. Al qazaqstandyqtar ornyn bosatqan adamnyń kózi tirisinde abyroıyn jer qylǵany taǵy bar. Statýstan bir aıyrdy, basynda Astanamyzdy da qıyp jibergen edik, sodan keıin oıymyz ózgerip shyǵa keldi. Ataý aýystyrǵanǵa jany qumar elmiz. Odan basqa oılaıtyn dymymyz joq.

Mine, Jańa Qazaqstan degen saıyn Qazaqstandyqtar tipti úıine deıin jańalap jatyr eken. Kıgen kıimi, isherge asy men minerge kóligine deıin aýystyryp jatqandar da jetip artylady. Nege degen saýaldy qoısań, Jańa Qazaqstan dep jaýap beredi. Quddy bir aqyrzaman bolyp, jańa dáýir ornaıtyndaı daıyndalǵany.

Ózi qystyń alǵashqy kúni demalatyn edik, ol kúni aıtýly oqıǵalar bolyp turatyn. Al qazir joq. Sebebi, laıyq emes. Nege? Laıyq emes. Otyz jyl el basqardy, eldi tonady. Ár qazaqstandaǵy ár turǵynnyń qaltasynan jekelep otyryp, sanap turyp jegen eken. Kóz ashtyǵy sondaı, birde bireýge jer bermeı Qytaı men Orysqa parshalap bergen, barlyǵyn satqan. Jaqsy, endeshe siz saıasattyń adamy emessiz. Naǵyz kózi ashylmaǵan jandar qatarynansyz.

Memlekettiń eń basty baılyǵy – halyq. Bilimi, ekonomıkasy bári bári myna halyqqa baılanady. Qarapaıym Ózbekstan osy jaqyn jylda ushatyn kólik joldaryn salatyn bolady. Al Qazaqstandyqtar, bir kúndik merekege petısıa jarıalap, kósheniń atyn aýystyrýmen álek bolady.

Ańqaý elge – aramza molda. Jurt aramza moldaǵa ǵana nazar aýdarady. Biraq negizgi rakýrs «AŃQAÝ EL». El ańqaý bolsa, kim kóringen tórine shyǵyp, tóseginde bıleıtini anyq.

Endi naqty suraqtyń jaýaby: Qara halyqtyń bar aqyly tek mereke men kóshe, qala aýystyrýǵa ǵana jetedi. Talaptary joǵary, biraq berer zattarymen aıyrmasy jer men kókteı. Halyqtyń jartysyna jeter jetpesi ǵana salyq tóleıdi. Qalǵany nege tólemeıdi: Bireýler járdemaqy alady, bireýler jumyssyz. Nege jumyssyz? Sebebi kresloda otyrǵysy keledi. AL oǵan kadr az.

Osy otyz jyl ishinde shegara arasynda birde bir soǵys bolǵan joq. Sol neniń arqasy? Osyny saraptap oılanyp kórip, túbin qazyp kórińiz. SOnda men qoıǵan saýaldyń jaýabyn tabaryńyz anyq.

---