InfoHub Logo

Psıhologıalyq oıyn jattyǵýlar jınaǵy
1. «Dos dostyqqa» sergitý oıyny (5 mınýt)
Nusqaý: Qazir sizder óte bir qyzyq oıyndy oınaısyzdar. Ol úshin jasalatyn qımyldy tez - tez jasaý kerek. 5 sekýndtyń ishinde ózińizge seriktes taýyp alyńyz da tez - tez onymen qol alysyńyz. Al endi bir - birimizben «sálemdesemiz»:
Oń qol oń qolmen!
Muryn murynmen!
«Dos dostyqqa» degen buıryqty estigende juptaryńyzdy aıyrbastaısyzdar.
Búgin biz oı, sezim jáne minez - qulyq bir - birimen qalaı baılanysty ekendigin bilemiz.

2. «Biz, bizdiń jáne oqýshylardyń quqyqtary» kollektıvtik oıyny (10 mınýt)
Eń mańyzdy degen quqyqtaryńdy jáne ózińdi beıneleı otyryp, birlesip sýret salý.
Taldaý:
- Birlesip jumys jasaý jeńil boldy ma?
- Ózińdi qandaı kúıde beınelediń?
- Qandaı quqyqtaryńdy sen eń mańyzdy dep esepteısiń?

Quqyqtary qaralady:
Ómir súrýge quqyǵy.
Zorlyq - zombylyqtyń kez kelgen túrinen qorǵanýǵa quqyǵy.
Oqýǵa quqyǵy.
Balanyń ózi senim artatyn eresek adamnan, dárigerden, mılısıonerden, ustazdan kómek suraýyna quqyǵy bar.
Tóńireginderdiń syı - qurmetine bólenýge quqyqty.
«Joq» degen sózdi aıtýǵa quqyqty.
Basqa da balalardyń jáne basqa adamdardyń da dál osyndaı quqyqtary bar.

3. «Aqsaq maımyl» jattyǵýy (5 mınýt)
Qatysýshylar ózderin emin - erkin sezinip, jaıǵasyp otyrady. Júrgizýshi (psıholog): «Qazir men sizderge tapsyrma berem, bul tapsyrmany meniń «bastaımyz» degen sózimnen keıin oryndaımyz, «toqtaımyz» degen kezde toqtaımyz. Eger berilgen erejeni belgili sebeptermen buzyp alsańyz, bir ret qoldy shapalaqtap belgi berińiz. Basqa nársege alańdasańyz da osylaı jasaımyz» Endi bárimiz kózimizdi jumamyz da «Aqsaq maımyl» týraly oılamaımyz. «Bastaımyz».
Talqylaý:
1. Tapsyrma oryndaý barysynda qandaı jaǵdaılar kedergi boldy?
2. Qandaı áser aldyńyz?
3. Oıdy ıgerý múmkin ba eken?

4. «Men – úıde» jáne «Men - jumysta» jattyǵýy (10 mınýt)
Qazir sizder paraqty eki baǵanǵa bólińizder. Birinshi baǵanaǵa «Men úıde» dep, al ekinshi baǵanaǵa «Men jumysta» dep jazyńyzdar. Osy eki baǵanany sol jerdegi minez - qulyqtaryńyz ben júris – turystaryńyzdy jazyńyzdar.
Talqylaý:
1. Osy jaǵdaılardaǵy minez - qulyqtaryńyz ben júris - turystaryńyzdyń uqsastyqtary men aıyrmashylyqtary týraly qorytyndy jasańyz.
2. Qaı baǵanany toltyrǵan ońaıǵa soqty? Qaı baǵana kópteý boldy?
3. Ne sebepti aıyrmashylyqtar bolady?
4. Bul baǵanadaǵy jaǵdaılar sáıkes kelý kerek pa? Nege?

5. «Úsh jyl» jattyǵýy (15 mınýt)
1. Bárimiz emin - erkin otyryp, tereń dem alamyz. Eshqandaı nárse oılamaýǵa tyrysaıyq.
2. Elestetip kórińiz, siz ózińizdiń úsh jyl ómirińizdiń qalǵanyn bildińiz. Biraq osy úsh jyl ishinde siz eshqandaı da aýyrmaı, denińiz saý bolyp ómir súresiz. Siz bul habardy estigende qandaı kúıde bolasyz? Birden bolashaǵyńyzǵa jospar qurasyz ba álde az ýaqyt qalǵanyna ókinesiz be? Qaǵaz betine túsirińiz.
3. Osy qalǵan ómirińizdi kimdermen birge súrer edińiz? Qaı jerde súrer edińiz? Jumysyńyzdy jalǵastyrasyz ba? Osy ýaqyt aralyǵynda ne istep úlgerý kerek? Osylardyń barlyǵyn qysqasha qaǵaz betine túsirińiz.
4. Osy úsh jyldaǵy ómirińiz ben qazirgi ómirińizdi salystyryńyz.
5. Qandaı uqsastyqtar bar jáne qandaı aıyrmashylyqtar bar? Sol ómirden búgingi ómirińizge ne qosar edińiz?
Qorytyndy: Endi bul «úsh jyl ómir» - tek oıyn úshin jasalǵan jattyǵý dep qabyldap, ol oıdan arylyńyzdar. Bul oıynnan ózderińizge ne alar edińizder? Bul jattyǵýdy jasaı otyryp siz qandaı tájirıbe jınaqtadyńyz? Qaǵaz betine túsirińiz.

1. «Rahmet» jattyǵýy
Qatysýshylar ortada sheńber quryp turady. Júrgizýshi (psıholog) oısha osy sabaqqa kelgenge deıingi kóńil - kúılerin, oılaryn, jaǵdaılaryn, sebepterin sol alaqanǵa, al búgingi sabaqtan alǵan áserlerin oń alaqanǵa salýyn suraıdy. Munan keıin barlyǵy bir ýaqytta alaqandaryn qatty soǵyp «Rahmet» dep aıqaılaıdy.
Talqylaý: Qandaı sezimde boldyńyzdar?

Sabaqtyń refleksıasy:
Men bul sabaqtan alǵan tálimim...
Maǵan unaǵany...
Maǵan unamaǵany...
Meniń estigim, bilgim, jasaǵym kelgeni...