InfoHub Logo

Italıalyq BAQ-tyń boljamynsha, Reseı jaqyn ýaqytta "Poseıdon" ıadrolyq torpedasyn qoldanýy múmkin. Iadrolyq qarýmen jabdyqtalǵan, qashyqtan basqarylatyn sýasty apparaty alysqa jetip jarylyp, ıadrolyq sýnamı týǵyzady. Bul torpedany "aqyrzaman qarýy" dep te ataıdy. The Times jýrnalıseri "ıadrolyq synaqty polár sheńberiniń arǵy jaǵynda nemese Qara teńiz akvatorıasynda "Belgorod" sýasty kemesiniń ekıpajy júrgizýi múmkin" dep boljaıdy.

Pýtın Ýkraına shekarasyna ıadrolyq poıyz jibergeni týraly derekter bar. Ony ádettegi eshelon sıaqty etip jibergen, baǵytyn jer seriginen baqylaý qıyn, al vagon ishinde balıstıkalyq zymyran men taktıkalyq ıadrolyq qarý bolýy múmkin. Bul – joıý aýqymy birneshe kılometrge ǵana jetetin, qýaty az ıadrolyq qarý túri dep jazdy Azattyq Radıosy.

– Odan da myqty arsenal bar. Burynǵydaı áli saqtaýly turǵan shyǵar. Bul qarý kezinde SSSR men onyń qarsylastarynyń artılerıasynda bolǵan atom snarádtary tobyna jatady. Basqasha aıtqanda, atom mınasy. Kezinde Sovet odaǵynyń dıversıalyq toptarynda birneshe kılotonnaǵa jetetin ıadrolyq qurylǵylar bolatyn. Dıversantqa bul qurylǵyny jasyryn túrde dushpan jerine jetkizip, tastap ketip, jaryp jiberý júkteletin, – deıdi Reseı qorǵanys mınıstrligi ǵylymı-zertteý ınstıtýtynyń burynǵy ofıseri Vladımır Bekısh.

---