InfoHub Logo

Syrt qaraǵanda Pınttiń "benti" myqty - aq sekildi, qalaı yrǵasań da lyqyldaıtyn emes, qaıta nyǵyzdanyp, shıraı túsetindeı. Al, biraq, anyǵyna kelgende Pınttiń "benti" bos, lyqyldaǵysh "bent". Tek alqymyna dán, bolmasa aqsha, ıakı balyq, tipti "tentek sý" tıse de lyqyldap bosap sala beredi.

Múmkin, sizder Pınt degendi mashınanyń, bolmasa arba dóńgeleginiń bir bólshegi dep te otyrǵan bolarsyzdar. Joq, olaı emes, bul oblystyq avtotraktor jabdyqtaý kontory bastyǵynyń ákesiniń aty. Bul Pınttiń ataǵyn shyǵaryp otyrǵan da osy tolyp jatqan "bentter" men zapas bólshekter. Bul Pınt oblystaǵy traktor men mashınanyń eń kerekti bólshekteriniń arasyndaǵy — kúndiz temir qajap, túnine maıǵa oranyp, astyqqa bólengen "sur tyshqan". Ustatpaıdy - aq, jylt etip shyǵyp, jylp etip súńgip, qolǵa túspeıdi - aq. Eger zertteı qalsań, skladqa, onyń bastyǵy Samekeńe tyǵylyp izin taptyrmaıdy. Tek qana túp tamyryn qazyp, kóp bólshekti sanaı bastasań, júrgen iziń, kirgen inin túpteısiń. Óıtkeni, berilgen bólshektiń esep-qısaby joq. Ásirese, eń kerekti, eń baǵaly bólshekterdi MTS dırektory qoly ashyq, beregen bolsa ǵana ala alady. Qolyvda dáni, balyǵy men maıy, eti menen shaıy joq dırektor onyń mańaıynan da júrip kórgen emes.

Kombaın men avtomashına, traktordyń óte qajetti, taptyrmaıtyn bólshekteri "barmaq baspaı, kóz qyspaıdy" arasynda júrip, joq bolady da, oblystyń MTS - tary ornyn sıpap qala beredi. Sıpap, qarmalap júrgende kózine túsetini — 1717 somnyń sıfry. Bul árıne, qulqynǵa túsken kóp bólshektiń ornyndaǵy kóz aldar. Sóıtip, skladqa túsken bólshek kemı bastaıdy da, ornynda qalǵan sıfr quıryqtana semirip, kólemi zoraıyp, keńı bastaıdy. Oǵan aıǵaq sońǵy 7 aıdaǵy jetispeı qalǵan bólshektiń ornyndaǵy 14300 somnyń sıfry.

Múmkin, oqýshylar Pınttiń ótken-ketkeni degen sıaqty jaǵdaıyn bilmek bolyp, qaıdan shyqqan, qaıdan kelgen dep te suraıtyn bolar. Onyń jaýaby qysqa. Bul Pınt degen bir sýaıt, neshe ret sottalǵan, neshe ret bosanǵan, sharlamaǵan jeri joq, alaıaq.

Taǵy bir "qyzyǵy" — Pınttiń "benti" bosaǵan kezeńde onyń dosy Samekeń de "benti" bosap qalady. Tipti keıde maıly shabaqpen "tentek sýdy" iship otyryp-aq aýyryp qalady, keıde 5 kún, keıde 3 kún jym-jylas ǵaıyp bolyp ta ketedi. Ol kúnderde keńse boıynda Samekeń qatty naýqas, al, óz úıinde sap-saý, kádimgideı tamaq iship, araqqa mas bolyp jatady. Al, onan táýir boldy degenshe úıine otyn tasyp júrgeni.

Mine, sóıtip, Pınttiń "bentiniń" bosaý tarıhy osylaı bastalyp, osylaı bitip jatyr da, ózine tıisti zapas bólshegin ala almaı MTS-ter otyr. Buǵan qaraǵanda, Pınttiń "bentin" buraýǵa ádil zań men ádil sot kerek!

---