InfoHub Logo

Árbir eldiń kemel keleshegin qalyptastyratyn – joǵarǵy bilimdi, maqsaty aıqyn, talantty da talapty azamattar. Sondaı básekege qabiletti, shyǵarmashyl tulǵalardy qalyptastyrýda elimizdiń joǵarǵy oqý oryndarynyń mańyzy zor. Otandyq bilim ordalarynyń biri de biregeıi, kóshbasshysy – ál-Farabı atyndaǵy Qazaq ulttyq ýnıversıteti.

85 jyldyq tarıhy bar qasıetti qara shańyraǵymyz 1934 jyly boı kóterdi. Sonan beri 180 sala boıynsha maman daıarlap, qazirgi kúni 20 myńnan astam stýdent oqytýda. Ýnıversıtet - «Altyn sapa» memlekettik marapatynyń ıesi. Ǵalamdyq «UI Green Metric Ranking of World Univercities» reıtıńiniń zertteý málimetteri boıynsha ýnıversıtet álemdegi ekologıalyq taza ýnıversıtetterdiń qatarynda 172-orynǵa ıe boldy.  Rektor Ǵalymqaıyr Mutanuly Mutanov stýdentterdiń jańa zamanǵa beıimdelgen laıyqty jaǵdaıda bilim alyp, qolaıly da jarqyn ómir súrýleri úshin barlyq jaǵdaıdyń jasalýyna sebepshi bolyp júr.

Qazirgi kezde ýnıversıtette eki myńnan astam joǵary bilikti oqytýshy jumys isteıdi, sonyń ishinde 1000-nan astam ǵylym doktory men kandıdaty, júz akademık pen elý fılosofıa doktory bar. Ýnıversıtette bilim berý isi Bolon reformasyna sáıkes júrgizilip, stýdentterdiń taza da ádil baǵalanýyna múmkindik beredi.

Qalamyzdyń ortalyǵynan oryn tepken QazUÝ qalashyǵy ásem tabıǵatymen erekshelenedi. Stýdentterge qajetti qyzmet kórsetý ortalyqtary osy qalashyq ishinde shoǵyrlanǵan. Zamanaýı jabdyqtalǵan oqý ǵımarattarynda stýdentter bilim alsa, alys aımaqtardan kelgen shákirtter qalashyqtaǵy on  tórt jataqhanaǵa ornalasady. Jataqhanada stýdentterdiń qaýipsizdikteri saqtalǵan, turmysqa qajetti barlyq jaǵdaı jasalǵan. Ál-Farabı kitaphanasy izdenimpaz stýdentterdiń qalashyq syrtyna shyqpaı bilim nárimen sýsyndaýyna múmkindik beredi. Barlyq qajetti quraldarmen qamtamasyz etilgen sport kesheni men úlken kólemdi stadıonymyz elimizdiń salaýatty ómir salty jaıly saıasatyna sáıkes stýdentterdiń sportpen shuǵyldanýyna múmkindik beredi. Qalashyq ishinde «Keremet» stýdentterge qyzmet kórsetý ortalyǵy da bar.

Ýnıversıtet basshylyǵy jastardyń bos ýaqyttaryn uıymdastyrýǵa da tıisti mán bergen. «Aınalańdy nurlandyr», «QazUÝ stýdenti oqýǵa tıis 100 kitap» syndy úlken jobalar stýdentterdiń rýhanı-mádenı ómirlerine óz septigin tıgizedi. «Stýdentter máslıhaty», «Stýdentter keńesi», «Suńqar» syndy qoǵamdyq uıymdarda árbir jas daryn ózin shyǵarmashylyq qyrynan tanytyp, qoǵamdyq ómirge belsene aralasady.

Búginde 16 fakúltette shákirt oqytatyn QazUÝ-dyń bilikti maman daıarlaýda eleýli eńbegi zor. Elimizde bolyp jatqan sońǵy saıası ózgerister, memleket basshysynyń aýysýy kezinde ál-Farabı atyndaǵy Qazaq ulttyq ýnıversıteti óziniń saıası kózqarasy qalyptasqan, el bolashaǵyna qatysty mardymdy pikir bildire alatyn ári durys tańdaý jasaı biletin azamattardy qalyptastyrýǵa qyzmet etýde dep nyq senimmen aıta alamyz.

Jastardy qoldaý maqsatynda “Jastar jyly” bolyp jarıalanǵan 2019 oqý jylynda  bakalavr jáne magıstratýraǵa bólingen memlekettik oqý granttarynyń birshama bóligi osy oqý ornyna tıesili. Balon úderisine negizdelgen oqý júıesi boıynsha sol grant ıegerleri men aqyly negizdegi stýdentter osy jyldan bastap jańa júıemen bilim alýda. Osyǵan deıin árbir oqý semestrinde eki aralyq baqylaýdan ótetin stýdentter budan bylaı úsh aralyq baqylaý tapsyrady. Bul ózgeris stýdentterdiń bilim sapasyna, úlgerimderin qadaǵalaý jáne yntalaryn arttyrýda oń áserin tıgizedi dep esepteımiz.

Búgingi kúni elimizdiń túkpir-túkpirinen jınalǵan QazUÝ stýdentteri arman-maqsattary aıqyndalǵan, el men qoǵam aldyndaǵy jaýapkershiligin túsinetin, jemqorlyq pen paraqorlyqtan ada bop, adal eńbek etetin mamandar qatarynan kórinip júr.

Demesınova Aksholpan Mahmýdovna (Ál-Farabı atyndaǵy Qazaq Ulttyq ýnıversıtetiniń 2-kýrs magıstranty)

Ǵylymı jetekshisi t.ǵ.k.,  dosent Rústemov S.K.

---