InfoHub Logo

Adam evolúsıasynyń alǵashqy kezeńderinen-aq izdenis pen eńbek keleshektiń qalyptastyrýshy negizi bolyp keledi. Al, izdenis bar jerde, irkilis bolmaıdy. Ár izdenistiń, eńbek pen oılaý qabiletiniń arqasynda adamzat balasy tehnıǵa senim artarlyqtaı búgingi kúnge jetti. Zaman aǵymyna, ómir tolqynyna saı ónertabys tabý elimizdiń de aldyndaǵy úlken maqsat. Iá, bul týrasynda kóptegen jobalar, baǵdarlamalar oılastyrylýda. Zıatkerlik mektepterdińde sany artýda. Desede, barsha adam balasy úshin áli de tyń ıdeıalar qajettiligi týyndamaq.

Máselen, keshegige barmaıaq búginde dúnıe júzin jaılaǵan qaýipti indetti aıtýǵa bolady. Iá, koronavırýs-tájitajal indeti. Qanshama adamnyń ómirin jalmaǵan aýrýǵa qarsy vaksınany dúnıejúzi ǵalymdary birneshe aı degende jasap bitti. Qudaı betin aýlaq qylsyn deımiz. Áıtsede osy tektes indet taǵy paıda bolsa degen oımen daıyndyǵymyzdy qamdaý kerek. Bundaı aýrýlarǵa qarsy turarlyq ıdeıa sol zamatta-aq basymyzda bolý shart.

Osyndaı indet qaıta paıda bola qalsa, preparattyq ónimniń ıakı vaksına quramy tabıǵı zattarǵa baı bolýy shart. Sonda ol adamnyń ımýnıtetin kóterip sáıkesinshe, vırýs belsendńligin tómendetedi. Bilýimshe juqpaly aýrýlarǵa qarsy arnaıy "T" jasýshasy bar. Atalǵan jasýshany emdik shóp ósimdikterine qosar bolsa ınfeksıanyń aldyn alyp qana qoımaı, qan aınalymyn jaqsartady. Dál osy quramdy vaksınadaǵy proteınder aǵzany qýattandyrady. Medısına men ǵylymnan aıtarlyqtaı bilimim bolmasada, bul bolashaqtyń enshisindegi ónertabys bolaryna senimim kámil. Sebebi kez kelgen ónertabystyń ózi densaýlyqty qajet etedi. Sol úshin adam organızmine aýrýdan qalqan bolarlyq tyń ıdeıa qaı kezdede qajet bolary sózsiz.

Mine, ilgeri qadam basý izdenisten bastalady. Elimizde ǵylym jolyna den qoıǵandar óte kóp. Al olar  jaǵdaıǵa saı áreket etip, kúsh-jiger men ıdeıalaryn bir arnaǵa toǵystyrar bolsa, bir kúni ǵalam jurtshylyǵyn eleń etkizer ónertabys jarq etedi degen úmittemin.

Bekbolatova Jazıra Qanatqyzy

---