InfoHub Logo

«Sen de bir kirpish dúnıege, ketigin tap ta bar qalan», - dep halqymyzdyń uly aqyny, qara sózdiń has sheberi Abaı Qunanbaev atamyz aıtyp ketkendeı, kez kelgen adam «Ómir» atty dúnıeniń tabaldyryǵyn attaǵannan keıin óz ornyn tabýǵa tyrysady, ıaǵnı ósedi, ónedi, «eńbekpen tapqan nan tátti» demekshi, qalaǵan mamandyqtarynyń qyzyǵyn kóredi. Sol mamandyqtyń qyzyǵyn kórý úshin úlken belesterden ótip, qıyndyqqa tap bolasyz. Sonyń bárine shydamdylyq jáne batyldyqpen jete bilseńiz, úlken belesterge jetip tóbeńiz kókke kóteriler edi. Ár ýaqytta shydamdylyq tanyta bilińiz. Múmkin, barlyǵy siz qalaǵandaı bolmaıtyn bolar, alaıda, ár iske nyq qadam jasap, sabyrly bolsańyz, sizdiń qolyńyzdan bári keletinine senimdimin. Ómir ózi synaqtan, qıyndyqtan turady. Sonyń bárimen moıymaı kúrese bilseńiz, siz qalaǵan maman ıesi aldyńyzdan-aq shyǵady. Joǵaryda aıtylǵan sózderime bir mysal keltireıin. Meniń ómirimdegi eń úlken qorqynyshtardyń biri - ulttyq biryńǵaı testileý bolǵan. Iá, árıne jaı ǵana ómirdiń kishkentaı ǵana synaǵy bolatyn. Biraq, onyń aldyndaǵy qorqynysh meni ishteı jegen. Shyny kerek, qatty qoryqqanym sonshalyq, sabyrlyq pen batyldyq ataýlyny sol kezde joǵalttym. Alaıda, ýaqyty jaqyndaǵan kezde boıymdaǵy qorqynysh sezimin alshaqtattym da, sabyrly bolyp, batyldy bola bastadym. Sol qorqynyshty jeńgenniń arqasynda qalaǵan upaıymdy jınadym. Ózime senimdi boldym da, sol jerge kirer aldynda nyq qadam bastym.    

Kórdińiz ǵoı, ár isti bastar aldynda sizge kedergi bolatyn sezimdi ysyryp, tek sabyrlyq tanytsańyz, siz qalaǵan maman ıesi bolasyz. Sabyrly bolyńyz jáne ózińizge senińiz!

Ásem Mýrzagalıeva

---