InfoHub Logo

Shyǵarmashyl jastardyń ónerin qoldaý maqsatynda bastalǵan qalamgerler saıysynyń kezekti jeńimpazy anyqtaldy.

Qazan aıyndaǵy úshinshi úzdik dep tanylǵan týyndynyń avtory – Abzal Altyı esimdi qatysýshy. Onyń «Uıqysyz uıqy» dep atalatyn óleńi barlyq shyǵarmalar arasynan top jardy. Aıta keteıik, avtor baıqaýǵa birneshe shyǵarma usynyp otyr.

Úzdik dep tanylǵan týyndyny nazarlaryńyzǵa usynamyz:

Uıqysyz uıqy

Sana oıaý, kóńildegi kúı tuman
Zer salamyn súreńsiz myna sıqyma
Ótken-ketken sáttegi oıǵa shyrmalyp
Oıaý jatyp, ketemin tereń uıqyǵa

Qıaldap jatyp boıyma syımaı kúsh degen
Armannyń jutam jemisin áli pispegen
Órshitip alyp ózimdi tappaı óńimnen
Oıaý jatyp, keı kezde qatty tús kórem

Shól dalanyń shańǵa ulasqan shaǵy unap
Jelge mingen, jazyqtyń qumdy baǵy unap
Saǵattardyń keıde tilin túsinbeı
Uıyqtap júrip, uıyqtap ketem taǵy da

Orala almaı álemnen ózge shyn kezge
Ol jaqta basqa,ótetindeı kún lezde
İshten estilgen úreıli óz daýysymnan
Oıaý júrip,oıanyp ketem bir kezde

Túsiniksiz...tańǵy alty...ne jazam?
Myna túnde bolmaıtyndaı keıde azan
Óń men tústiń arasynda sendeltip
Oıpyrym aı meniń ómirim netken beımaza!

(Avtordyń orfografıasy men pýnktýasıasy saqtalǵan)

Jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.

---