Qapyryq bári;
Kóńilim de meniń qapyryq,
Emender anaý,
Japyraqtary shashylyp,
Qaıyndar áne
Bóksesin jerge batyryp,
Aq uryp bári
Ańsaıdy nóser shaqyryp.
Avtobýstar da,
Tramvaılar da tur janyp,
Samalǵa shóldep,
Saıany qýyp júr halyq.
Úp etken jeldi tutqyndap alyp dáý úıler,
Demimen ystyq
Trotýarlardy tur qaryp.
Qapyryq bári:
Aspan da, jer de qapyryq,
Aýyr bir tozań
Álemdi tur-aý japyryp.
...Ońasha ketip,
Aınabulaqta otyryp,
Syra ishsem be eken,
Jumekenderdi shaqyryp...

---