InfoHub Logo

Orta júzde az ǵana qyrǵyz bar, ár jerde. Olar tutqynnan kelgender. Qyrǵyz tipti eski el. Qyrǵyz degende qazaq degen syqyldy kezbe, taǵy degen soz. Qyrǵyzdar Ǵaısa paıǵambardan burynǵy 300 jylda Taný-ýla men Alataý arasynda júrgen. Shyńǵys han tusynda qyrǵyz hany Arys Aılan degen edi. Shyńǵys han — maǵan qarasyn dep, Býra ám Turamysh degendi elshi qylyp jiberip, qyrǵyz hany — qaradym dep, bir aqsuńqar kús bastatyp, qanshama syı jiberdi.

Ábilǵazy han sózinshe: qyrǵyz Oǵyzhannyń bir nemeresi edi. Qyrǵyz sonyń násili deıdi. Osy kúnde qyrǵyzdyń kóbi eski orny Alataýdyń kúnbatys tumsyǵyna jaqyn Syntas asýynan Pamırdiń taýly jotasynda. Olar oń-sol dep eki bólingen. Rýlary Buǵy, Sarbaǵys, Sultý, Sherek, Baǵysh, Saıaq. Bul altaýy onyń Saǵaı degeniniń násili. Aýgene degennen Aýǵana, Muńǵysh, Eshkilik. Munyń sońǵy ekeýi — bizdiń qypshań, arǵyn, naıman qyrǵyz bolǵandar. Bergi zamanda qazaq atanǵany bolmasa, bizdiń qazaq ta qyrǵyz násilinen.

---