InfoHub Logo

Qazaqtyń talaı daryndy azamattarynyń basyn qosyp, birtýar azamat qylyp tárbıelegen qara shańyraq – QazUÝ ekeni aıtpasa da belgili. Tarıhy tereńge boılaıtyn, túlekteri elimizdiń damýyna aıanbaı eńbek etetin ýnıversıtetimizdiń búginde jetken jetistikteri de az emes. Ál-Farabı atyndaǵy Qazaq Ulttyq Ýnıversıteti 1934 jyly 15 qańtarda irgesi qalanǵannan bastap Qazaqstannyń bilimi men ǵylymynyń damýyna orazan zor úles qosa otyryp, bilikti mamandardy daıarlaýda kóshbasshy bolyp keledi.  

Alataý bókterinde ornalasqan Almaty qalasynyń Ál-Farabı atyndaǵy Qazaq Ulttyq Ýnıversıtetine arman qýyp kelgen stýdentter ıaǵnı, bizderge barlyq jaǵdaı jasalǵan. «Stýdentter qalashyǵy» atalǵandaı-aq, alyp Almaty shaharynyń ishindegi shaǵyn qalada ómir súrip jatqandaımyz. Ózindik ishki aýrasy, jeke tártip, jarǵysy, qyzmet kórsetý ortalyqtary men stýdenttik keshenderi bar. Búgingi kúni ýnıversıtetimizde 20 000-ǵa jýyq stýdent bilim alady. 15 fakúltetten turatyn ýnıversıtette 3000-ǵa jýyq profesor-oqytýshylar quramy stýdentterge bilim berip keledi. Osylaısha 90 jylǵa jýyq tarıhynda «úzdik» degen uǵymdy qalyptastyryp, sol tuǵyrdan túspeı kele jatqan QazUÝ –básekege qabiletti, daryndy stýdentterdi biriktirip otyrǵan qutty meken, syılastyq pen shynaıy dostyqtyń mekeni.

Men 2018 jyly UBT tapsyrmaı turyp, QazUÝ-ǵa túsýge nıettendim, árıne soǵan jetý úshin   eńbektendim.Eńbegim esh ketpedi, Ál-Farabı atyndaǵy Qazaq ulttyq ýnıversıtetine tarıh,arheologıa jáne etnologıa fakúltetine grantqa tústim. Bul men úshin úlken jetistik pen bolashaǵymnyń esigi ispettes boldy. QazUÝ maǵan múmkinderdi berip qana qoımaı, qoǵamǵa beıimdelýdi, kóptegen daryndy jastarmen bas qosqan orta qalyptastyrdy.2022 jyly magıstratýraǵa tústim. Qazir tarıh fakúltetiniń 1-kýrs magıstrantymyn. Ýnıversıtette barlyq stýdent, magıstrant, doktorant úshin de qajetti jaǵdaı jasalǵan.       Qorytyndylaı kele, bolashaq jas túlekterge aıtarym, bilimniń qaınar kózimen sýsyndaıtyn, qazaq halqynyń mańdaıyna bitken tulǵalardy tárbıelegen qara shańyraq – QazUÝ-dy tańdaýǵa keńes berer edim. Men ózim alyp jatqan bilimime tolyq rızamyn. QazUÝ búginde kópke kósilip aıtar maqtanyshtarǵa toly.Ulttyq ýnıversıtetpen óz taǵdyryn baılanystyrǵan árbir adam bolashaǵyna úlken senimmen qaraıdy jáne bul úshin ulttyq ýnıversıtet árqashan qoldaý kórsetýge daıyn. 

Ál-Farabı atyndaǵy Qazaq Ulttyq Ýnıverstetiniń 1-kýrs magıstranty Frýnzequl Nurjan Esenǵalıqyzy
Ǵylymı jetekshi: t.ǵ.d.,profesor Jarkynbaeva Roza Seıdalıevna

---