InfoHub Logo

Informatıka 6 synyp
Sabaqtyń taqyryby: Qarapaıym mátindik redaktory. Redaktor ınterfeısi. Mátindi terý erejesi.
Mátin boıymen jyljytý. Mátinniń úzindisin ereksheleý.
Sabaqtyń maqsaty:
Bilimdilik: WordPad redaktory boıynsha oqýshylarǵa tolyq túsinik berý. Taqyryp boıynsha alǵan bilimderin kompúterdiń kómegimen tıimidi paıdalana bilýge baýlý.
Tárbıelik: WordPad redaktorynda mátinidi saýatty terý. Júıelikke, eńbekke, iskerlikke, uqyptylyq pen jyldamdyqqa tárbıeleý.
Damytýshylyq: Oqýshylardyń kompúterge qyzyǵýshylyǵyn, oılaý qabiletterin, tanymdyq belsendiligin arttyrý.
Sabaqtyń ýaqyty: 45 mınýt
Sabaqtyń túri: Teorıa
Sabaqtyń kórnekiligi: Kompúter, oqýlyq, jumys dápteri

Sabaqtyń júrisi: İ. Uıymdastyrý
İİ. Úı tapsyrmasyn tekserý
İİİ. Jańa sabaq
İV. Bekitý
V. Úıge tapsyrma
Vİ. Baǵalaý

İ. Uıymdastyrý: Sálemdesý. Oqýshylardy túgendeý, tekserý.
İİ. Úı tapsyrmasyn tekserý:
1) Modeldeýdiń kezeńderin ata.
2) Modeldeýdiń maqsaty qandaı bolýy múmkin?
3) Obektini taldaý degenimiz ne?
4) Kompúterlik tájirıbe dep neni aıtady?
5) Kompúterlik modelderdiń quraldaryn ata.

İİİ. Jańa sabaq:
Arnaıy programmalardyń – mátindik redaktorlardyń – kómegimen kez kelgen mátindi ońaı jáne tez qurýǵa jáne bezendirýge bolady. Kompúterde mátinmen jumys isteý óte yńǵaıly:
 Mátin – saqtaý úshin az oryn talap etedi;
 Kerek emes mátinniń ornyna jańasyn ońaı jazýǵa;
 Mátindi ońaı kóshirýge, jóneltýge bolady.
Mátindik redaktor – ol mynadaı múmkindikter beretin qoldanbaly programma:
 Mátindik qujattardy qurýǵa;
 Olardy ózgertýge, ıaǵnı qatelerin túzetýge, mátin fragmentterin jyljytýǵa, kóshirýge, joıýǵa jáne qosýǵa, izdeý men almastyrý júrgizýge;
 Mátindi pishimdeýge – áriptiń mólsheri men túsin, abzastyń qasıetterin jáne basqalardy ózgertýge;
 Qujattardy basyp shyǵarýǵa.
Kompúter úshin mátin – ol sımvoldardyń kez kelgen jıyny dep aıtýǵa bolady. Mátindik qujattyń quramynda óleń de, kompúterge arnalǵan programma bolýy múmkin. Onyń mazmuny keste túrinde de bezendirilýi múmkin. Mátindik redaktorlar jumys jasaıtyn derekter – mátindik aqparat, onyń eń kishkentaı birligi sımvol bolyp tabylady. Sóz – bir - birinen tynys belgilermen nemese bos oryndarmen (probely) ajyratylyp jazylǵan sımvoldar tizbegi. Mátinniń elementteri: sımvol – sóz – jol – abzas – bet – mátin.

Abzastyń eń belgili qasıetteri:
• Áriptiń garnıtýrasy, keskin syzyǵy, mólsheri;
• Mátindi túzetý tásili;
• Sheginister men ıntervaldar.
wordPad mátindik redaktory terezesiniń elementterine syzǵysh qosyldy. Mátindik redaktordyń terezesinde kishkentaı jypylyqtaıtyn syzyqsha – mátindik kýrsor bar. Ol kelesi sımvoldyń qaı jerde teriletinin kórsetedi.

Mátin terý erejeleri:
1. Bas áripti engizý úshin Shift pernesin basyp, jibermeı ustap turý kerek.
2. Barlyǵy bas árip bolý úshin CapsLock pernesin basý.
3. Bir bos oryn sózderdiń arasynda jáne tynys belgilerinen keıin qoıylady.
4. Defıs bo orynsyz qoıylady.
5. Uzyn syzyqsha (tıre) aldynan da, sońynan da bos orynmen qoıylady.
6. Enter pernesin abzastyń sońynda basady. Joldardy tasymaldaý avtomatty túrde júzege asady.

Túzetýge (redaktırovanıe) jatatyndar: mátin fragmentterin joıý, qosý, jyljytý, kóshirý, izdeý jáne almastyrý. Mátindi ereksheleý úshin pernetaqta men tyshqandy qoldanǵan qolaıly. Mátindi terip bolǵan soń túzetý jáne pishimdeý úshin mátin bólikterin (fragment) ereksheleı bilý kerek. Mátin bólikterin túzetýge: joıý, qosý, jyljytý, kóshirý, izdeý jáne almastyrýdy jatqyzýǵa bolady. Delete pernesi – kýrsordan oń jaqta ornalasqan, al BackSpace pernesi – kýrsordyń sol jaǵynda ornalasqan sımvoldy joıady.

İV. Bekitý:
• WordPad mátindik redaktoryn iske qosý joly.
• Mátindik redaktor degenimiz ne?
• Abzastyń qasıetterin ata.
• Mátin elementterin ata jáne sıpatta.
• Jańa qujatty qalaý qurý kerek?

V. Úı tapsyrmasyn berý: Qarapaıym mátindik redaktory. Redaktor ınterfeısi. Mátindi terý erejesi.
Mátin boıymen jyljytý. Mátinniń úzindisin ereksheleý.
Vİ. Baǵalaý: Oqýshylardy baǵalaý