InfoHub Logo

Baıandama.
Qazaq tili men ádebıeti páni sabaqtarynda syn turǵysynan oılaýǵa úıretý

Til dese, ishken asty jerge qoıam
Men qalaı jaman sabaq ótkize alam.
STO - ny bastamaı, eń aldymen,
Ózimdi syn turǵydan ekshep alam....

Oıdy jalǵastyr...
Syn turǵysynan oılaý degenimiz -......
STO degenimiz:
Oı qozǵaı otyryp, oqýshynyń óz oıymen ózgelerdiń oıyna synı qarap, estigen, bilgenin taldap, salystyryp, rettep, suryptap, júıelep, bilmegenin ózi zerttep, dáleldep, tujyrym jasaýǵa baǵyttaý óz betimen jáne birlesip shyǵarmashylyq jumys jasaý.

STO - oqý men jazýdy damytý baǵdarlamasy
STO – oqýshyny muǵalimmen, synyptastarymen erkin sóılesýge, pikir talastyrýǵa, bir - biriniń oıyn tyńdaýǵa, ózekti máseleni sheshý joldaryn izdeı otyryp, qıyndyqty jeńýge baýlıtyn baǵdarlama.

Toptarǵa tapsyrma:
Oqýshy kim?
Muǵalim kim?
Jaýap.
Oqýshy - izdenýshi, oılaýshy, óz oıyn dáleldeýshi
Muǵalim - áreketke baǵyttaýshy, uıymdastyrýshy

STO - ny úıretý úshin mynandaı sharalar iske asýy qajet:
1) Syn turǵysynan oılaýdy týdyrý úshin ýaqyt kerek;
2) Oqýshylarǵa oılanyp - tolǵanýǵa, oıyn ashyq aıtýǵa ruqsat berý.
3) Ártúrli ıdeıalar men pikirlerdi qabyldaý;
4) Úırený barysynda oqýshylardyń belsendi is - áreketterin qoldaý
5) Keıbir oqýshylar túsip qalǵan qolaısyz jaǵdaılardy ájýaǵa aınaldyrmaý;
6) Oqýshylardyń bir - biriniń jaýabyna jasaǵan synynyń dáleldi, dáıekti bolýyn talap etý:
7) Syn turǵysynan oılaýdy baǵalaý.

Tehnologıa úsh kezeńnen turady:
1. Qyzyǵýshylyqty oıatý:
Muǵalim problemalyq jaǵdaıat týǵyzady. Bul kezeń 2 elementten turady “Mıǵa shabýyl” jáne klaster jasaý.
Mıǵa shabýyl degenimiz - aqyl - oıǵa jattyǵý, top bolyp sheshim qabyldaý.
Klaster – syzbalar júıesi.

Sabaqtan úzindi
Mysaly: 5 - synypta til júıesin, til qyzmetin ótkende mıǵa shabýyldy bylaı jasaýǵa bolady:
Anashym - degen sózdi sender alǵash ret qaı tilde aıttyńdar?
Sol kezde til týraly ne bilýshi edińder?
Qaısysy alǵash paıda boldy: ana tilinde sóıleı alý ma? Álde onyń qurylysy ma?
Ne úshin tildi oqýymyz kerek? Biz onsyz da sóıleı alamyz ǵoı.
Endi aq paraqtyń ortasyna til dep jazyńdar.
Bizdiń tilimiz qandaı quramdardan turady?
Klaster jasaý:

Toptarǵa bólinip myna suraqtardyń sheshimin tabyńdar:
1) Bir bir-birimizben sóıleskende oıymyzdy qalaı jetkizemiz?
2) Sóılem qandaı birlikterden turady?
3) Eger sózdi maǵyna beretin bólikterge bólsek ne shyǵady?
4) Maǵyna beretin bóligi ary qaraı bólinbeıtin bolsa odan qandaı birlik shyǵady?

2. Maǵynany ashý:
Bul satyda jańa aqparatpen tanysady.
Mátindi oqyp, taldap ózine qoıylǵan suraqtarǵa belsendi túrde jaýap izdeıdi.
Sabaqta jumys dara jáne jup túrinde júrgiziledi.

3. Oı tolǵaý
Refleksıa satysy
Qabyldanǵan jáne eski túsinikterdiń ara qatynasyn ashý.
Oqylǵan materıaldy taldaý jáne qorytyndylaý.
Taqyrypty munan ári meńgerý baǵytyn anyqtaý.
Maǵynany taný kezeńinde bilimge súıene otyryp, buryn jáne sabaq barysynda ne úırengenin salystyrady.
Qarastyrǵan taqyryptyń mánin tolyq túsiný jáne ózine qoıylǵan maqsatty iske asyrý úshin jańa taqyrypty taldaıdy, qajettisin iriktep alady.