InfoHub Logo

Sabaqtyń taqyryby: Qarapaıym tilik oryndaý.
Sabaqtyń maqsaty:
Bilimdilik maqsaty: Oqýshylardyń tilik týraly túsinigin qalyptastyra otyryp grafıkalyq bilimderin tolyqtyrý
Damytýshylyq maqsaty: oqýshylardyń oı - órisin, bilimin damytý, oılaý qabiletin damytý.
Tárbıelik maqsaty: syzba mádenıettiligine tárbıeleý, adamgershilikke, uqyptylyqqa, tazalyqqa tárbıeleý, eńbekke baýlý. Estetıkalyq tárbıe berý, pánge degen qyzyǵýshylyǵyn arttyrý.
Sabaqtyń túri: tájirıbelik
Qoldanylatyn ádis: kórnekilik ádis, baıandaý, izdený.
Kórnekilik quraldar: Kompas 3D baǵdarlamasy, slaıd prezentasıalar, ınteraktıvti taqta, syzbalar, kartochkalar, oqýlyqtar, syzý aspaptary men quraldary.
Pán aralyq baılanys: tehnıkalyq mehanıka, materıaltaný, matematıka.
Sabaqtyń jospary:
I. Uıymdastyrý bólimi
II. Úı tapsyrmasyn tekserý
İİİ. Grafıkalyq jumys № 7:
IV. Bekitý.
V. Sabaqty qorytyndylaý.
VI. Úı tapsyrmasy.
Sabaqtyń mazmuny

I. Uıymdastyrý bólimi
1. 1. Oqýshylarmen amandasý.
1. 2. Oqýshylardy túgeldeý jáne jýrnal toltyrý
1. 3. Oqýshylardyń jumys quraldaryn tekserip, kezekshi taǵaıyndaý
1. 4. Oqýshylarǵa búgingi sabaqtyń taqyryby men maqsatyn tanystyrý
II. Úı tapsyrmasyn tekserý
(Grafıkalyq jumys №6)
Qaıtalaý suraqtary:
1. Proeksıa degenimiz ne?
2. Proeksıalaý degenimiz ne?
3. Konýstyń proeksıasy?
4. Tik buryshty ızometrıada osterdiń ornalasýy?
5. Aksonometrıa degenimiz ne?
Geometrıalyq deneler. (Slaıd)
Testpen jumys.
Syzbada ádeıi jiberilgen qatelerdi tap.

İİİ. Grafıkalyq jumys № 7:
Berilgen eki kórinisi boıynsha úshinshi kórinisti turǵyzý jáne qarapaıym (frontal) tilikti oryndaý.

Tilikter
3. 1 Qarapaıym tilikter
Bir nemese birneshe jazyqtyqpen oısha qıylǵan zattyń (tetikbólshektiń) keskinin tilik dep ataıdy. Tilikte qıýshy jazyqtyqtyń ózinde jáne onyń ar jaǵynda jatqan nárseler keskindelip kórsetiledi. Eger de zattyń qurylymyn túsinýge, qıýshy jazyqtyqtyń ar jaǵynda jatqan kesindiniń barlyǵyn kórsetýdiń qajeti joq bolsa, olardy kórsetpeýge bolady. Zattyń (tetikbólshektiń) qıýshy jazyqtyqta jatqan bóligi (qımasy) tilikte shartty túrde shtrıhtalyp kórsetiledi. Tilikterde ár túrli materıaldardyń grafıkalyq belgilenýin MEST 2. 306 - 68 boıynsha alady. Qıýshy jazyqtyqtyń orny syzbada qıma syzyǵymen belgilenedi, jýan úzik syzyqpen kórsetiledi. Qıýshy jazyqtyqtar ózara qıylysqan jerlerin jýan úzik syzyqpen kórsetedi. Nusqalar qıma syzyǵynyń syrtqy shetinen 2 - 3mm qashyqtyqta ornalasýlary tıis.