InfoHub Logo

Qaraqulaq — edáýir iri mysyq (denesiniń uzyndyǵy 70-80 sm, quıryǵy 20-32 sm, salmaǵy 8-12 kg), sileýsinnen shamaly kishi. Syrtqy túrine, ıaǵnı qulaǵyndaǵy shashaǵy, qysqa quıryǵy jáne uzyn aıaqtaryna, qysqalaý tulǵasyna qarap, beımaral «shól sileýsini» dep ataýǵa bolady. Terisi aqshyl, sarǵysh, tek qulaǵynyń artqy jaǵy men shashaǵy qara tústi. Shyǵys Kaspıı mańy shóldi aımaqtary — Mańqystaý, Bozashy, ústirttiń batys jaǵynda mekendeıdi. Soltústik Qyzylqumda sırek kezdesedi. Túnde tirshilik etedi. Qysta jıi kúndiz belsendi. Kúshti jáne epti jyrtqysh. Ertede Shyǵys halqynyń keıbiri ony aýlaǵysh ań retinde paıdalanǵan (tipti qaraquıryqtardy ustaǵan). Keıde qoı men qozylarǵa shabýyl jasaıdy. Bóten inder men ný toǵaılardy qonystaıdy. Sáýir-mamyrda 2-4 marqaýlary týylady, kúzde eresekterimen birdeı bolady. Sırek kezdesetin túr retinde Qazaqstan Qyzyl kitabyna engizilgen. Sanynyń azaıýynyń negizgi sebepteri — qatal ári qary kóp qys pen qasaqylyq. Qolda ósip-ónedi. Tashkent haıýanattar parkinde 1968-1970 jyldary tórt ret kúshiktedi. Ústirt qoryǵy men eki qoryqshada qorǵalady.

Oqýǵa keńes beremiz:

Mysyq

Arystan

Jolbarystar

Jan-janýarlar ataýlary

---