InfoHub Logo

Sabaqtyń taqyryby:Qarlyǵashtyń quıryǵy nege aıyr? (slaıdymen)
Sabaqtyń maqsaty:
1. Bilimdilik: Erteginiń mazmunymen oqýshylardy tanystyrý, tilderin jattyqtyrý. Árbir sózdiń mán - maǵynasyn ajyratý, sózdik qoryn molaıtý. Jańa bilimdi deńgeılik tapsyrmalar arqyly meńgerý.
2. Damytýshylyq: Oqýshylardyń sózdik qoryn molaıtý, sóıleý mádenıetin damytý, óz pikirlerin aıtýǵa daǵdylandyrý.
3. Tárbıelik: Tabıǵatty aıalaý, qorshaǵan ortany qorǵaý, meıirimdilikke tárbıeleý, aýyzeki sóılesýge úıretý.
Sabaqtyń ádisi: baıandaý, suraq - jaýap, túsindirý.
Kórnekilikter: ertegige baılanysty slaıdtar.
Sabaqtyń jospary men barysy
Psıhologıalyq daıyndyq
Biz qandaımyz, qandaımyz
Shuǵylaly tańdaımyz
Jarqyraǵan kúndeımiz
Renjisýdi bilmeımiz!
Ótkendi pysyqtaý
- Balalar taqtaǵa nazar salaıyqshy kún qandaı bolyp tur? Kún bulttanǵanda aýa raıy qandaı boldy?
Oqýshylardyń jaýaby: kún sýyq bolady, jańbyr jaýady, biz tońamyz.
- Balalar sender kúnniń ashylǵanyn, kúnniń jylynǵanyn qalaısyńdar ma? Endeshe, bultty kúnniń betinen ydyratý úshin ótken sabaq boıynsha bilimimizdi ortaǵa salaıyq.
Ótken sabaqqa baılanysty suraqtar:
1. Terek qandaı qıyndyqqa tap bolady?
2. Terek úshin kógershin qandaı qustardan kómek suraıdy?
3. Kógershin aqylgóı aqqýdyń kómegimen ormannan qaı qusty taýyp ákeldi?
4. Toqyldaqty nege orman dárigeri deımiz?
5. Durys balalar, sender aǵashtarǵa qandaı qamqorlyq kórsetesińder?
(sýarý, túbin qopsytý, túbin ákteý, butalaryn syndyrmaý)
- Balalar, aýa raıy qandaı boldy?
Durys aıtasyńdar, endeshe kúlimdegen kún astynda jadyraǵan kóńil kúımen sabaǵymyzdy jalǵastyraıyq.
Kirispe bólim
Qarlyǵash týraly án tyńdaý
- Balalar, án ne týraly? (Qaı dybystan bastalyp turǵanyn aıtý, býynǵa bólý.)
Balalar, qarlyǵash qandaı qus? (problemalyq suraq)
Jańa sabaq
Endeshe balalar, búgin biz sendermen qarlyǵashtyń quıryǵy nege aıyr bolǵanynyń sebebin bilý úshin «Qarlyǵashtyń quıryǵy nege aıyr?» degen ertegimen tanysamyz.
Ertegi jelisi boıynsha slaıdtar kórsete otyryp, ertegi mazmunymen tanystyrý
Ózi bir qý, ózi aılaker
Júrgen jeri aıqaı da shý (túlki)

Sergitý sáti
Qarlyǵashqa uqsaıyq
Qane qanat jazaıyq
Qarlyǵash bop ushaıyq
Ushyp, ushyp alaıyq.

Ertegi mazmunyn ashýǵa baılanysty suraqtar
1. Aıdahar qandaı kúıge tap boldy?
2. Onyń aýrýyna em tapqan kim jáne qandaı em tapty?
3. Aıdahardyń aýrýyna em bolatyn qandy kim izdeıdi?
4. Aıdahar nege qandy ishe almady?
5. Ashýlanǵan aıdahar ne istedi?
Durys balalar, sodan beri qarlyǵashtyń quıryǵy aıyr eken.
Ertegide qaı keıipker unamady, nege?
Ertegidegi qaı keıipker senderge unady, nege?
Shyǵarmashylyq tapsyrma
Durys balalar, adamǵa dos, názik, meıirimdi qarlyǵashty ádemilep boıap kóreıikshi kimniń qarlyǵashy ádemi bolar eken.
Balalar, qarlyǵash týraly jumbaq jattaıyqshy
Sharlap kelip dalany
Úıime úıin salady (qarlyǵash)
Qarlyǵashtyń jyl qusy, ol uıasyn úıdiń shatyryna, saraı tóbelerine salady.
Qorytyndy
Ertegi jelisine baılanysty deńgeılik tapsyrmalar arqyly sabaqty bekitý
Aıdahar
Túlki, masa
qarlyǵash