InfoHub Logo

Taqyryby «Qustar - bizdiń dosymyz» (slaıdymen)
Maqsaty: oqýshylarǵa týǵan tabıǵatyn súıýge, tiri tabıǵat quramy qustardy qorǵaý barsha adamzattyń mindeti ekenin uǵyndyrý, tapsyrmalardy oryndaı otyra alǵan bilimderin tekserip, eptilikke, shapshań qımyldaýǵa úıretý, erkin sóıleýge daǵdylandyrý, tabıǵatqa, ózin qorshaǵan ortaǵa qamqorlyqpen, meıirimdilikpen qaraýǵa tárbıeleý.

Armysyzdar, qurmetti oqýshylar men ustazdar! Búgingi «Qustar - bizdiń dosymyz» atty saıysymda qustar jaıly bilimderimizdi jınaqtap, qorytyndy jasaımyz. Qus tabıǵat baılyǵy. Baılyqtyń kózi - qustardy árkez qorǵaı bilý kerek deı otyra saıysymyzdy bastaımyz.

Qustar, qustar keledi
Jerdi shýǵa bóledi
Kóktem keldi dep bizge
Jaqsy habar beredi - deı kele ortaǵa qys boıy kútken jyl qustaryn shaqyramyz

(ortaǵa qustar keledi)
Máńgi baqı este qalar
Qyzyqty bir oıyn bolsyn.
Kóńilge túrli oı salar
Tartymdy án men jyr bolsyn - dep saıysymyzdy bastamas buryn saıys kezeńderimen tanystyrýǵa ruqsat etińizder
Saıys kezeńderi:
1. Tanystyrý
2. Óner
3. Sán úlgisi (qus beınesin keltirý)
4. Qustar týraly boljamdar
5. Suraqtarǵa jaýap
Ashyq jarqyn júzdi,
Ádilqazylar bizdiń.
Tyńdap baǵa bererge.
Shaqyraıyq tórge.- dep saıysymyzdyń ádilqazy múshelerimen tanystyrýǵa ruqsat etińizder

Ádilqazylar músheleri...
Oıanyp bar tabıǵat uıqysynan,
Jadyrap qutylǵandaı qys qamynan.
Kóktemdi shýǵa bólep, ánge oraǵan,
Tyńdaımyz alýan syrlar jyl qusynan - dep ár top ózderin
tanystyrsyn
Sazdy áýenin syılaýǵa
Aramyzǵa qustar keldi
Ándi yntamen tyńdaýǵa
Shaqyrady sizderdi - deı kele saıysymyzdyń kelesi kezeńi qustarymyzdyń tamasha ánderin tamashalańyzdar
(Ónerlerin kórsetý)

Kórkemdikke kómilgen kelbetine
Kóz tımesin dep dostym sen de tile
Qanattaryn keń jaıyp bıik samǵap
Aına kókten jetetin jer betine - dep kelesi kezekti sán úlgisine beremiz

(Sán úlgisi kórsetiledi)

Qazaq halqy qashanda tabıǵatqa jaqyn, tabıǵat - anany qadirlegen halyq. Tabıǵattyń bir bóligi qustar ekenin jaqsy bilemiz. Ata - babalarymyz sol qustardaı názik, sulý, qyraǵy, batyl bolsyn dep babalarynyń esimderine qus ataýlaryn bergen
Qarlyǵash, Sandýǵash, Lashyn, Suńqar, Qarshyǵa, Aqqý, Bulbul dep qoıǵan. Sonymen qosa kúndelikti turmys tirshilikterin de qustarmen baılanystyrǵan soǵan baılanysty boljamdar bar endeshe, saıysymyzdyń kelesi kezeńi qustarǵa baılanysty boljamdar aıtý.

(Qustarǵa baılanysty boljamdar aıtý)
Kókeıge bir qonymdy,
Suraqtar bar oryndy
Jaýap aıtar utymdy.
Ár topqa bir suraqtan qoıylady
Al, endi toptarymyzdy ortaǵa shaqyraıyq.
1. Beıbitshilik qusy (Kógershin)
2. Qus tóresi (Aqqý)
3. Kóktemde alǵash ushyp keletin qus (Uzaq)
4. Óte saq, uzyn sıraqty, uzyn moıyndy qus (Tyrna)
5. Eń uzaq jasaıtyn qus (Qarǵa)
6. Eń kishkentaı salmaqty qus (Kallıbrı)
7. İri suńqarlar ókili (Lashyn)
Saıysty qorytyndylaý