InfoHub Logo

Qazaq tili páni boıynsha jyldyq kúntizbelik jospar, 8 synyp
Kúndelikti sabaq jospary, qazaq tili 8 synyp.
Taqyryptar:
41. Qarsylyqty baǵynyńqy sabaqtas
42. Mezgil baǵynyńqy sabaqtas
43. Sebep baǵynyńqy sabaqtas
44. Qımyl - syn baǵynyńqy sabaqtas
45. Maqsat baǵynyńqy sabaqtas

Sabaqtyń taqyryby: Qarsylyqty baǵynyńqy sabaqtas
Sabaqtyń maqsaty: a) Bilimdilik: qarsylyqty baǵynyńqy sabaqtas sóılemderden alǵan teorıalyq bilimderin praktıkada qoldaný; aýyzsha, jazbasha taldaý jumystaryn júrgize otyryp, bilimderin bekitý.
á) damytýshylyq: oılaý qabiletterin, qıaldaryn damytý; oı qorytyp, naqty sheshim jasaýǵa úıretip, ózderine senimderin arttyrý.
b) tárbıelik: saýatty jazýǵa, uqyptylyqqa baýlý; toppen jumys jasap, bir - birin tyńdaı bilýge úıretý; sóıleý mádenıetterin qalyptastyrý.
Sabaqtyń túri: aralas sabaq
Sabaqtyń ádisi: suraq - jaýap, izdendirý, shyǵarmashylyqpen jumys
Sabaqtyń kórnekiligi: tirek syzbalar, kespe qaǵazdar, qosymsha materıaldar.
Pánaralyq baılanys: ádebıet, orys tili

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý. Synyptyń tazalyǵyna kóńil bólý. Oqýshylardyń zeıinin sabaqqa aýdarý.

á) Úı tapsyrmasyn pysyqtaý:
Úıge berilgen tapsyrmany suraımyn. Oqýshylarǵa birneshe suraqtar qoıamyn

b) Jańa sabaqty túsindirý:
Basyńqydaǵy iske baǵynyńqyda aıtylǵan is nemese baǵynyńqydaǵy iske basyńqydaǵy is qarsy qoıyla aıtylǵan sabaqtasty qarsylyqty baǵynyńqy sabaqtas deımiz.
Qarsylyqty baǵynyńqylar Qaıtse de? Ne etse de? Qaıtkenmen? Ne etkenmen? degen suraqtarǵa jaýap beredi.
- sa da, - se de. Mysaly: Qys kelse de, qar jaýmady).
- ǵanmen,- genmen, - qanmen,- kenmen Mysaly: Qys kelgenmen, qar jaýmady.
(- a,- e,- ı)+ tura (Qys kele tura, qar jaýmady).
(- ǵanyna,- genine,- qanyna,- kenine) + qaramaı (qaramastan) Mysaly: Qys kelgenine qaramastan, qar jaýmady.
(- ǵany,- geni,- qany,- keni) + bolmasa Mysaly: Qystyń kelgeni bolmasa, qar jaýmady.
- ǵansha,- genshe,- qansha,- kenshe Mysaly: Dalaǵa shyǵyp jaýraǵansha, úıde otyr.

Qarsylyqty baǵynyńqynyń baıandaýyshtary mynadaı joldarmen jasalady:
a) shartty raıly etistikke da (de) shylaýy jalǵas kelý arqyly: Abaı Dándibaı sózinen jaqsy peıildi ańǵarsa da, ol kezde kómekterin almaǵan - dy.

á) shartty raıdyń bolymsyz túrinen: Tań aldynda bir saǵat myzǵyǵany bolmasa, Abaı bul túndi uıqysyz ótkizdi.

b) esimshege kómektes septik (- men) jalǵaýy qosylýy arqyly: Ulbergen kedeı bolǵanmen, kıim - keshekterin taza ustaıtyn edi.; esimsheniń bul túrine keıde da, de shylaýy qosylyp ta qarsylyqty baǵynyńqy sabaqtas jasalady: Qasen baıbalamdaǵanmen de, oıyn toqtala qoımady;

v) esimshege - sha,- she jurnaǵy jalǵaný arqyly: Bir sózdi qaıtalaı bergenshe, meniń kombaındy júrgizgenimdi aıtsańshy.
g) – a,- e,- ı jurnaqtary kósemshe túrinen bolady: Jastar bilim jaǵynan artyq bola tura, tájirıbeli jumysshylardyń járdemine muqtaj bolady eken.

ǵ) keler shaq esimsheniń bolymsyz túrine shyǵys septik jalǵaýynyń (- tan,- ten) jalǵanýy arqyly jasalady: Otyz eki jasqa kelgenine qaramastan, osy jazda kapıtan Enakıevtiń samaıyna aq kirdi.
Qarsylyqty baǵynyńqy sabaqtastyń jasalý joldary (keste)

Jattyǵýmen jumys: 129 - jattyǵý.
Bilimdi bekitý: Ótilgen taqyrypqa baılanysty birneshe suraqtar qoıamyn. Túsinbegen suraqtaryna jaýap beremin.
Baǵalaý: Úı tapsyrmasyn oryndap kelgenine jáne jańa sabaqqa yntaly qatysyp otyrǵandaryn baǵalaımyn.
Úıge tapsyrma: 125 - jattyǵý.



Tolyq nusqasyn qaraý