InfoHub Logo

Bir mezgil el surap dáýrendegen arystanǵa kárilik te jetipti. Betine túzý qaramaıtyn, aıbatynan el qorqatyn ýaqyttary da ótip, kelmeske ketipti. Aıaqtan dármen, boıda qýat qalmaǵan, tisi túsip, tyrnaq muqalǵan kúıge túsipti. Sonymen ózi kezinde tisin batyrǵan ańdar odan óshin ala bastapty. At taýyp, sıyr soıyp, qasqyr qaýyp, tyrna julyp. Ol bárine kónipti. Óler shaǵyna taıaǵanda esek te ony kórgeli kelipti. Arystannyń kúıin kórgen ol da tepkisi kelipti. Muny sezgen arystan:

— Ia, qudiret, kezinde ań balasy betime túzý qaraı almaýshy edi. Qazir solardyń tepkisinde qaldym, anaý at, men túgil qamystan qorqatyn, ógiz, qasqyr degender meni kórse záresi ushatyn, darıǵa-aı, sol zaman ótti ǵoı. Kárilik jetip, tórimnen kórim jaqyn tur, basqasyn qoıshy, ana esek aıaqta tósek bolyp jatýshy edi. Ol kezde ony kim adam qataryna alǵan, kimde kúná joq deısiń, janymdy alsań da, sol jamannyń tuıaǵyn tıgizbeı al, qorlyq qoı onyń aıaǵy tıse, — dep jalbarynypty.

Arystan týraly basqa ertegiler:

Túıe, arystan, qasqyr jáne túlki

Arystan dertiniń emi

Adam men arystan

Tapqyr qoıan

---