InfoHub Logo

Sabaq taqyryby: Qasym Amanjolov. Kóktem
Sabaq maqsaty:
• Qasym Amanjolov Ómiri men shyǵarmashylyǵyna sholý jasaı otyryp, aqyn óleńiniń ıdeıasyn, mánin uǵyndyrý.
• Oqýshylardy mánerlep jyldam oqýǵa úıretý, qyzyǵýshylyǵyn oıatý, til baılyǵyn damytý.
• Tabıǵatty aıalaı bilýge, tanym belsendiligin, shyǵarmashylyq qabiletin arttyrý uıymshyldyqqa, birlikke tárbıeleý.

Sabaqtyń barysy.
İ. Baǵalaý. – Motıvasıalyq kezeń.
Psıhologıalyq sát.
Kún jaryǵyn alaqanǵa salamyn,
Júregime basyp ustaı alamyn.
İzgi ári názik, jaryq, meıirimdi,
Bolyp ketedi sonda dereý jan - jaǵym.
- Mine, júregimizdegi osyndaı jylýmen sabaǵymyzdy bastaımyz.
- Balalar, qazir sender 3 topqa bólinip otyrasyzdar. Endeshe úsh topqa úıge qandaı tapsyrmalar berildi?
- 1 - top. – «Báısheshek». Esse jazý, gúlder týraly.
- 2 – top. – «Jaýqazyn». Gúlder týraly óleń shyǵarý.
- 3 – top. – «Qyzǵaldaq». Gúldiń sýretin salý.

İİ. Operasıalyq - oryndaýshylyq kezeń.
Balalar, bárimiz taqtadaǵy sózjumbaqty sheshemiz.
Myna sýretterdiń basqy áripterin alsańdar sonda sóz shyǵady.
Kún, demekshi, kókek, tý, eshki, mysyq («Kóktem» sózi shyǵady)
- Balalar, qazir qaı mezgil?
- Kóktem.
Toptastyrý.

Búgingi sabaǵymyzdyń taqyryby: Qasym Amanjolovtyń «Kóktem» óleńimen tanysý.
Qasym Amanjolov 1911 jyldyń 10 qazanynda qazirgi Qaraǵandy oblysy, Qarqaraly aýdany, Qasym Amanjolov atyndaǵy aýyldyń Qyzyl taýynyń baýraıyndaǵy Aqtaılaq eldi mekeninde kedeı sharýa otbasynda dúnıege kelgen. 1918 jyly 6 qańtarda ákesi Raqymjan 43 jasynda qaıtys bolady. Ony anasy Aıǵansha 1923 jyly Semeıdegi bastaýysh mektepte, 1927 - 1930 jyldary Semeı mal dárigerlik tehnıkýmynda oqıdy. 1931 jyly Lenıngrad qalasynda orman sharýashylyǵy ınstıtýtyna oqýǵa túsedi. Densaýlyǵy jaramaǵandyqtan oqýdy tastap, Oral qalasyndaǵy «Ekpindi qurylys» gazetinde jumys isteıdi. 1933 jyly Alǵashqy óleńder jınaǵy «Ómir syry» 1939 jyly jaryq kóredi. Qyzyl Armıa qataryna shaqyrylyp, Oral qalasynda áskerı bilimde qyzmet atqarady. 1935 jyly Almaty qaıtyp kelip «Lenınshil jas» gazetine ornalasady. Osy kezeńnen bastap onyń qalamgerlik daryny ashylyp shyǵarmashylyqpen aınalysady. Kóp oqymasa da zerektiginiń arqasynda qazaqsha da, oryssha da birdeı jazady. Amanjolov aqyndyǵynyń ústine kompozıtor da. Onyń «Darıǵa, sol qyz», «Týǵan el» sıaqty óleńderiniń sózi de, mýzykasy da óziniki. Maıdannan eline oralǵan aqyn súıgen qyzy Darıany izdeıdi. Soǵystan qaıtyp kelgennen keıin qatty aýyryp sodan aıyǵa almaı ómirden ótedi. «Aqyn», «Qazaqstan», «Saýynshy jeńgeı» degen óleńderinde eńbek adamdaryn bıikke kótere jyrlaıdy.
Oqýlyqpen jumys.
A) Óleńdi mánerlep oqý.
Á) Óleńdi tizbekteı oqytý.
B) Óleńdi taldaý. (Ózderine unaǵan shýmaqtaryn oqyta otyryp taldaý)
Dáptermen jumys.
Óleńdegi kórkem sózderdi taýyp, dápterge jazyp alý.
Mysaly, názik ún, buıra bulaq.

Sergitý sáti
Shyǵarmashylyq tapsyrma
Mýzyka oınap turady.
1 - top. Kóktem týraly esse jazý.
2 - top. Kóktem jaıly 4 jol óleń qurastyrý.
3 - top. Kóktemniń sýretin salý.
«Qalt etkizbeı qaǵyp al.
Jaýabyn tez taýyp al».
Refleksıalyq – baǵalaý kezeńi.
Jumbaqtar jasyrý.
1 - top. Ala sıyr jatyp qalady,
Aq sıyr turyp ketedi. (Kóktem)
2 – top. Turǵanymen jyraq ózi,
Taýsylmaıtyn shyraq ózi. (Kún)
3 – top. Meni kútip el tiler,
Kelsem nege keldi der. (jańbyr)
Úıge tapsyrma: Kóktem óleńin jattaý. Kóktemniń sýretin salyp kelý.
Baǵalaý