Qaı kúni meniń támamdalady dastanym?
Bitpese eken, jańadan ǵana bastadym.
Bıikteı bersin, bıikteı bersin,ókinben,
Munartyp turǵan ıyndarym menen
Saparǵa sapar jalǵana berse eken dep,
Jalynam kúnde,jazmyshqa taǵzym etem kóp.
Adasý bolar,talasý bolar ómirde,
Júrsem bolǵany Ata jerimdi mekendep.
Ataq-dańqtyńkeregi maǵan shamaly.
Qalady dosym,qalady, bári qalady...
Qaı kúni meniń támamdalady dastanym?
Ýaqyt ótip,ýaqyt ótip barady.
Ólimnen qorqam,kete jazdaımyn jyndanyp.
Ómir bar jerdeólim degen bir júr qaýip.
Ajaldy qoıshy,baıqatpaı soǵar urlanyp,
Aldyna onyń júrmiz ǵoı kúnde myń baryp.
Ólimnen ótken aqıqat sirá bolǵan ba?
Taǵyna kelip qoıǵanda,
Jaltartpas soty bolǵanda,
Jazalaýshy da,
Jolaı almaıdy ol mańǵa,
Jaqtaýshy tipten jolaı almaıdy,
Ol mańǵa.
Úkimi onyń aryzdanýǵa jatpaıdy,
Máńgi qulpyda,máńgilik mórin saqtaıdy.
Dáýirlerdiń de, ǵasyrlardyń da - báriniń,
Aqıqat-ólim belinen bir-aq attaıdy.
Ajaldy qoıshy, aldyna onyń myń baryp,
Myń ketip júrmiz suranyp, keıde urlanyp.
Ólimnen qorqam, kezegi bir kún keler dep,
Asyqpaı, saspaı,
Aldymdy meniń tur baǵyp...

---