Qaıyrly tań, jomart jerim, er jerim, ózenderim, kólderim!
Qaıyrly tań, kermıyqty keń dalam, quba jondy belderim!
Ormanym da shýlamaı,
Sýlarym da týlamaı,
Aq basty ata-taýlarym da jylamaı,
Uıqysynan oıandy,
Bárisi de tań nuryna boıaýly.
Aıdyn kólde asyr cap júr qaz, aqqý,
Aq tańymen amandasyp qazaqtyń
Qaıyrly tań, ashyq aspan, aq aspan,
Aı, Sholpanym, juldyzym!
Qaıyrly tań ázilderi jarasqan
Sábı jandy ul-qyzym!
Bárisi de din aman
Bir adam joq jylaǵan,
Sábı de joq tań aldynda qyńqyldap,
Bir úzim nan suraǵan;
Meniń elim uıqysynan oıandy,
Altyn araı tań nuryna boıaýly.
Samaly esip tynyshtyqtyń buırattan,
Zavodtarym temekisin shıratqan.
Dalam meniń tynyshtyqqa syı tartqan,
Qalam meniń tynyshtyq dep kúı tartqan.
Jer sharynyń tynyshtyǵyn saqtaǵan,
Qaıyrly tań, uly Otanym, shat zaman!
Sen kúzetken tynyshtyqty jyrǵa orap,
Urpaǵyma ap baram.
Zeńbirekter atylmaı,
Atomdar da ýatylmaı
Meniń elim tynyshtyqta jatyr jáı.
Bárisi de uıqysynan oıandy.
Altyn tańnyń shapaǵyna boıaýly!
Shýaǵymen shomyldyryp alapty,
Taǵy, mine, beıbitshilik tańy atty.
Arqalap ap yrys-qut,
Keledi, áne, kún shyǵyp.
Qaıyrly tań, Tynyshtyq!
Qaıyrly tań, Tirshilik!..

---