InfoHub Logo

Taqyryby: Qaınekeı Jarmaǵanbetov. «Ormandaǵy oqıǵa»

Sabaqtyń maqsaty: Oqýshylardy ádebı erteginiń mazmunymen tanystyryp, olardyń jeke qabileti men bilimdiligine súıene otyryp negizgi oıdy ashý.
Oqýshylarǵa boljaý ádisi arqyly ertegini kóz aldaryna elestetý. taldatý jáne salystyra otyryp olardyń qıalyn, oı - órisin damytý.
Jaman ádetterden boılaryn aýlaq ustap, aqyldy parasattylyqqa tárbıeleý.
Sabaqtyń tıpi: Jańa materıaldy meńgertý.
Sabaqtyń túri: Dástúrli sabaq.
Sabaqtyń ádisi: Túsindirý, áńgimeleý, boljaý, suraq - jaýap.
Kórnekiligi: Interaktıvti taqta.
Sabaqtyń barysy: I. Uıymdastyrý kezeńi.

Qane, dostym, teksershi,
Daıynsyń ba sabaqqa?
Ornynda ma, bútin be,
Dápter, qalam, kitabyń?
Turma kúndelik aldyńda,
Qolyńda ma qalamyń?
II. Úı jumysyn tekserý.
a) Tizbektele oqý.
b) Rólderge bólinip sahnalaý.
v) Qorytyndy. - Al senderdiń oılaryńsha adamǵa eń jaqyn ne?

Nege olaı oılaısyńdar? (Oqýshylardyń oılaryn bilý)
g) Oıtolǵaý. «Ómirde ózińe eń jaqyn adam kim?» (2 - 3 balaǵa oqytý, jınap alý)
d) Úı jumysyn qorytyndylaý.
- Bul óleń qaı janyrǵa jatady?
- Al ertegilerdiń qandaı túrleri bolady?

Ertegiler:
Qıal - ǵajaıyp ertegisi
Shynshyl ertegiler
Jan - janýarlar ertegisi
Ádebı ertegiler

- Ádebı ertegi degenimiz qandaı ertegi?
III. Jańa sabaq. Búgin sabaqta «Ormandaǵy oqıǵa» degen Qaınekeı Jarmaǵanbetov ertegisimen tanysamyz.

Q. Jarmaǵanbetov kim? Aldymen Qaınekeı aǵa jóninde bilimimizdi teksereıik.
Qaınekeı Jarmaǵanbetov
↓
Qostanaı oblysy, Jangeldi aýdany, Shıeli aýylynda týǵan
1918 jyly týyp, 1974 jyly qaza bolǵan
«Ara», «Ádebıet jáne ıskýsstvo» jýrnalynyń redaktory
«Qurmet belgisi» ordenimen 3 ret marapattalǵan
«Ánshi azamat», «Azamat joly», «Zaman bizdiki» t.b týyndylary bar
Aýdarmashy

Búgingi ertegimizdiń keıipkerleri: Tobylǵy, Sekseýil, Aq qaıyń, Qaraaǵash

Tobylǵy buta tektes ósimdik. Sabaǵy qatty, qyzyl tústi. Sabaǵynan urshyqtyń, qamshynyń sabyn jasaıdy.
Basqa ertegi keıipkeri týraly ne bilemiz? (Oqýshylardyń jaýabyn tyńdaý)

IV. Ájeıdiń ertegisin tyńdaý.(Ún taspadan ertegini tyńdaý... Tympyń qaǵyp tobylǵy ketti....)

V. Boljaý. – Ertegidegi qalaı aıaqtalady dep oılaısyńdar? (oqýshylardyń oıyn tyńdaý)
Shyndyǵynda ertegi qalaı aıaqtaldy bilgileriń kele me? Qane ájeıden surap bileıik.(ertegini jalǵastyrý)

VI. Oqýlyqpen jumys.
a) Tizbektele oqý.
b) Taýyp oqý
v) Sózdik
Qosaq – saýý úshin uzyn arqanmen moıyndarynan bir - birine taqap qosaqtaı baılanǵan qoı nemese eshkiler toby.

VII. Naqty suraq – dál jaýap.
• Erteginiń qaı jeri senderge erekshe áser etti? Nelikten?
• Qaıyń men qaraǵashtyń qatty ashýlanǵanyna ne sebep boldy?
• Seniń qaı aǵashqa janyń ashydy? Nelikten?
• «Qosaq arasynda shybyn óledi» degen qaı ósimdikke qatysty aıtylǵan?
• Seniń oıyńsha, eki aınymas dostardyń bir - birimen renjisýine ne sebep boldy?

VIII. Oıqozǵaý.
• Shynynda da aǵashtar janjaldasa ma?
• Aqynnyń negizgi oıy qandaı?
• Olaı bolsa avtor bul keıipkerler arqyly neni ýaǵyzdap otyr?
• Balalar bul ertegiden qandaı oı túıdińder? Qandaı qorytyndy pikir aıta alasyńdar?

IX. Keıipkerge hat.(bir keıipkerdi tańdap soǵan hat joldaý)
X. Qorytyndy. Búgin sabaqta ne úırenip, ne bildik? Qane olaı bolsa «Danyshpan» atanyń aqyl - keńesin tyńdaıyq.
XI. Úıge tapsyrma: Ertegini mánerlep oqý, mazmunyn baıandaý, ósimdiktiń paıdasy týraly jazyp kelý.