InfoHub Logo

Qazaq ádebıetinen 6 synypqa arnalǵan orta merzimdi jumys jospary
• Pán: Ádebıet
• Saǵat sany: 68, aptasyna 2 saǵat
• Oqýlyq: Qazaq ádebıeti 6 synyp, K. İslamjanuly, S. Tileshova, B. Áripova, R. Battal. Almaty «Atamura» 2003 jyl
• Taqyryptyq - kúntizbelik jospar Qazaqstan Respýblıkasynyń Bilim jáne ǵylym mınıstrligi 9. 07. 2010 jylǵy №367 buıryǵymen bekitilgen QR MJBS (2. 3. 4. 01 - 2010) sáıkes, Y. Altynsarın atyndaǵy ulttyq bilim akademıasy usynǵan qazaq tili oqý baǵdarlamasy negizinde jasaldy.

Túsinik hat
Ádebıet - óner, halyqtyń sana - sezimin, kórkemdik oılaý qabiletin baıytatyn rýhanı mura. Ádebıet ómirge degen kózqarasty, estetıkalyq talǵam men rýhanı izgi murattardy qalyptastyrady. Ol – jetkinshekterdiń sanasyn sergitetin, adamgershilik izgi murattarǵa bastaıtyn rýhanı qazyna.
Jalpy bilim beretin mekteptegi qazaq ádebıeti páni oqýshylardyń oqyrmandyq mádenıetin jetildirýdi, qazaq halqynyń ádebı muralary týraly júıeli túsinik berýdi jáne álem ádebıeti úlgilerimen tanystyrýdy, izgilik, adamgershilik, ásemdik, otansúıgishtik jáne iskerlik qundylyqtaryn shákirt boıyna sińirýdi kózdeıdi.

Maqsaty – sóz ónerin adamzattyń kórkem tarıhy retindegi mádenı mura, ulttyq qundylyq dep baǵalap, qurmetteı alatyn, ádebı shyǵarmada beınelengen qubylysty kórkemdik turǵyda qabyldaýǵa qajetti bilim, bilik, daǵdylardy meńgergen, oqyrmandyq talǵam mádenıeti qalyptasqan, bilim negizderin ómirlik jaǵdaılarda qoldana biletin eljandy azamat tárbıeleý

Mindetteri:
- Oqýshylarǵa tól ádebıettiń ulttyq sıpatyn, ondaǵy halyqtyń ádet - ǵuryp, salt - sanasynyń kórinisin, janrlyq, stıldik erekshelikterin, kórkem týyndynyń ıdeıalyq - adamgershilik mánin túsindirý.
- Kórkem shyǵarmadaǵy mazmun men forma tutastyǵyn, tarıhı - ádebı málimetterdiń negizin jáne ádebıet teorıasyn meńgertý.
- Kórkem shyǵarmany emosıonaldy qabyldaýǵa, beıneli jáne zerdeli oılaýǵa jáne qalamgerdiń kózqarasyn túsinýge mashyqtandyrý.
- Oqýshylardyń ishki jan álemin rýhanı - adamgershilik qundylyqtarmen baıytyp, kórkemdik talǵamyn keńeıtý jáne oqyrmandyq mádenıetin qalyptastyrý, kórkem shyǵarmalardy óz betinshe izdep, qyzyǵyp oqýǵa daǵdylandyrý.
- Oqýshynyń ózine senimdi túrde jumys isteýine baǵyt berip, óz oıyn erkin, sheshen jetkize alýǵa baýlý
- ádebı – teorıalyq bilimin saýatty qoldana alý quzirettiligin qalyptastyrý, olardyń synı oılaýlaryn jetildirý, aýyzsha jáne jazbasha tilin damytý.
- Qazaq ádebıetinen alǵan bilim men tárbıeniń nátıjesin óz ómirlerine qoldana alýǵa úıretý.

6 – synyptyń «Ádebıet» kýrsyn aıaqtaı otyryp, mynalardy meńgerip shyǵady:
- kórkem ádebıettiń qoǵamdyq máni, aýyz ádebıeti úlgilerin, onyń ishinde, batyrlyq jyrlardyń ózindik erekshelikterin bilý arqyly ulttyq qazyna, ulttyq tanym, ulttyq rýhanı sanany qalyptastyrý;
- HİH ǵasyrdaǵy ádebıet ókilderin, olardyń shyǵarmalarynyń negizgi erekshelikterin ajyratyp, shyǵarmalarynyń negizgi epızodtarynyń mazmunyn bilý;
- Kórkem ádebıettiń keıbir jalpy erekshelikteri (obrazdylyq), shyǵarma qurylymy «taqyryp, ıdeıa, sújet, kompozısıa), ádebı janr túrleri, jazýshy stıli týraly uǵym jaıly bilý;
- HH ǵasyrdaǵy qazaq dalasynyń saıası - áleýmettik jaǵdaıy jáne onyń ádebıettigi kórinisin bilý;
- Kórkem shyǵarmany taldaýdyń mazmuny men maqsat - mindetteri: mátinniń ıdeıalyq mazmuny men kórkemdik erekshelikteri; olardyń arasyndaǵy tyǵyz baılanys pen birlestik, shyǵarma keıipkerlerine minezdeme berý; mátindegi tabıǵat bolmysy, turmys - salt, dástúrlik erekshelikter, shyǵarmanyń kompozısıasy men janry jáne olardyń ádebı - teorıalyq negizderin bilý;
- Prozalyq jáne poezıalyq shyǵarmalardy, olardyń jeke úzindilerin logıkalyq ekpinmen, aıryqsha mánermen, mátinge óziniń oqyrmandyq kózqarasyn bildire otyryp oqı bilýi kerek;
- Oqylǵan shyǵarmalardyń basty keıipkerlerin, olardyń kórkem shyǵarmalardaǵy róli men ornyn bilý;
- Álem aqyn – jazýshylarynyń týyndylaryn oqı otyryp, til qudiretin túsiný, ádebıetter arasyndaǵy taqyryptyq - ıdeıalyq jaqyndyqtaryn uǵyný.