InfoHub Logo

Qazaq ádebıeti (7 synyp)
Sabaqtyń taqyryby:
№ 1 Sóz basy
№2 Lıro-epostyq jyrlar
№3 Qozy-Kórpesh-Baıan sulý
№4 Jyrdaǵy keıipkerler
№5 Jyrdyń qurylysy
№6 Sheshendik sózder
№7 Dýlat Babataıuly «Aıagóz qaıda barasyń?»

Sabaqtyń maqsaty:
a) Ádebıettiń túrleri týraly túsinik bere otyryp, oqýshylardyń pánge degen qyzyǵýshylyǵyn arttyrý;
á) tárbıelik máni bar mysaldar keltire otyryp oqýshylardy elin, jerin, Otanyn súıýge tárbıeleý;
b) oqýshylardyń bilimin baqylaý arqyly mánerlep oqýǵa daǵdylandyrý;
Sabaqtyń túri: dástúrli sabaq
Sabaqtyń ádisi: suraq - jaýap, túsindirý, t. b
Sabaqtyń kórnekiligi: kitaptar, t. b
Pánaralyq baılanys: tarıh, qazaq tili

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý, synyptyń tazalyǵyna kóńil bólý. Oqýshylardyń zeıinin sabaqqa aýdarý.
á) Úı tapsyrmasyn pysyqtaý:
Demalysta oqyǵan shyǵarmalaryn suraımyn. Ótkendi eske túsirý. Oqýshylarǵa birneshe suraqtar qoıamyn.

b) Jańa sabaqty túsindirý:
«Ádebıet» sózi arab tilinen aýdarǵanda «asyl sóz» degendi bildiredi. Barlyq jurttyń ádebıeti sıaqty qazaq ádebıeti de ekige bólinedi: birinshisi – aýyz ádebıeti, ekinshisi — jazba ádebıeti. Aýyz ádebıeti – eldiń jazý ónerin bilmeı júrgen kezinde shyqqan sóz óneri. Jazý óneri bolmaǵan soń, eldiń tarıhy, ómiri, turmysy, salty, týǵan jeri, óneri, armany, ádemi, mándi áńgimelermen aıtylǵan. Aýyz ádebıetiniń sózderin shyǵarýshylardyń aty - jónderi bizge belgisiz. Olar basynda aýyzsha shyǵarylǵan jáne bir aýyzdan ekinshi aýyzǵa kóship, aýyzsha aıtylýmen saqtalǵan. Al jazba ádebıetiniń avtorlary bar.
Kórkem ádebıet – oqýshylarǵa beımálim ómirdi tanytatyn qýatty qural. Adamǵa tárbıe berýshi áýeli ata - ana, sonan soń ustaz, mektep turmysyndaǵy tóńirek. Óner, ǵylym joq jurtta adam tárbıesin tóńireginen alady. Óner, ǵylym bar jurtta adamdar tárbıeni ata - anadan da, tóńireginen de, mektepten de jáne ádebıetten de alady.

Toppen jumys: Aýyz ádebıetiniń túrlerin toptastyrý
Aýyz ádebıetiniń túrleri
↓
Turmys - salt jyrlary
maqaldar
jumbaqtar
ertegiler
mátelder
ańyz - áńgimeler
aıtystar
sheshendik sózder

Bilimdi bekitý:
Ótilgen taqyrypqa baılanysty birneshe suraqtar qoıamyn.
1. Qazaq ádebıeti neshege bólinedi?
2. Aýyz ádebıeti degenimiz ne?
3. Aýyz ádebıeti qandaı salalarǵa bólinedi?

Bilimdi baǵalaý:
Oqýshylardyń jaýaptaryna, sabaqqa belsene qatysyp otyrǵandaryna qaraı bilimderi baǵalanady.
Úıge tapsyrma: Aýyz ádebıeti jáne onyń túrleri týraly oqyp kelý.