Kúz mezgili , qys ketip , jaz aptaǵan
Qyrǵa shyqtym tynyǵyp az aptaǵa
Sonda maǵan birinshi sálem berdi
Kip-kishkentaı , qoly kús qazaq bala

Qara borbaı, qoly kús qazaq bala
Sálem berdi , kúlmeńder ,mazaqtama
Kóterip jerden alyp ıiskedim
Shydadym jylaı salmaı az-aq ǵana

Iilip qol berýge tıisti edim
Byraq men qushaqtadym , ıiskedim
Saraıymdy mol mátte jiberdi ashyp
Sábıdiń jupar-jýsan ıisteri

Qara bala qaraıdy qıyqtana
Qylyǵyna sábıdiń ıip baram
Týǵan dalam týdyrǵan Qazaq elim
Qushaǵyma ketkendeı sıyp ǵana

Kerek emes bul jerde qalalyǵyń
Kerek emes ulylyq dalalyǵyń
Ǵajaıyp bir kúı keshtim , tabylǵandaı
Umyt qalǵan keshegi balalyǵym

Ótse de talaı ǵasyr azaptaǵan
Al búgin azat ómir , azat zaman
Urpaǵyń úzilmesin Qazaq babam
Aman júr aınalaıyn Qazaq bala.

---