Otyrsam dep em
Ózińmen uzaq syrlasyp
Osyǵan oraı kelmeı-aq qoıdy qurdasym
Tirliktiń qamyn tuzaǵyn ilgen  bir basyń
Qaıtersiń endi qısynyn tappaı turǵasyn

Tynymdap bir sát otyra qalsam jaılanyp
Qıanǵa ketem
Qıalǵa erip qaıdaǵy
Men júrmin munda arqandaýly attaı aınalyp
Júrsiń be ? sende tirlikke jipsiz baılanyp

Bolmady qansha ash qursaq tirlik “eshki aryq”
Eshtemedende jatqamyz joq qoı kesh qalyp
Balalyq shaqqa
Sátine bes kep bas baryp
Otyrsaq edi-aý oralmas kezdi eske alyp

Biz umytsaq ta
Umyta qoımas jyl-esep
Bilesiń bizder bir jyldyń enshi úlesi ek
İlgeri basqan ıgi isimizge ilesip
Nur bolar edi urpaqqa baqyt tilesek

Eskirmek emes estelik sonaý shaqtaǵy
Máýe bop ketti
Biz ekken shybyq baqtaǵy
Qurby men birge “aq túıe” qarynyn aqtaryp
Júrýde baqyt jetistigine maqtanyp

Ózgerdi orta
Ótti kóp jyldar arada
Ózińe kóz sal
Ósken urpaqtarǵa qarada
Keıindep qalǵan ýaqyttardy saralap
Óz narqyn soson baǵalaý kerek ár adam

Baıqaǵan kim bar baǵdarsyz mynaý jol ushyn
Keledi qýyp
Keıingi tolqyn tolysyp
Myna pánıge adam bop keldik
Sol úshin
Adam bop ótsek buldaǵy pende boryshy

Dástúrmen salty biz bala bolǵan kezderdiń
Bári de bóten
Báride búgin ózgerdi
Tirligin maqtap
Tilderin baptap ózge eldiń
Ózińdi soǵan tilimsek eter kez keldi

Ýaqyt sirá toqtaǵan emes taǵat qyp
Aıańdaı berer tiline erip saǵattyń
Kerǵorlyqqa kelgenmen qansha oq atqan
Joq emes bilem
Ózimizden de aǵattyq

Allaǵa shúkir Hobdanyń júrmiz tórinde
Dańqymyz qandaı shyńnanda bıik kóringen
Babadan qalǵan mırastan shettep jerinbeı
Bir tutas bolsa jaqsy edi sirá bólinbeı

Maqsaty bireý bolsa ǵoı erdiń oıy anyq
Jan-jaqqa tartyp san túske júrmiz boıanyp
Kelissiz taǵlym, ketpeı turyp boı alyp
Eshten kesh jaqsy oıyny endi qoıalyq

Dep shaqyratyn azamat qaıda birlikke
Berekelesse jetpeıtin ne bar tirlikte
Alastap mynaý
Alapes kezdi dúrlikken
Birigý kerek
İshinde jatpaı bir búkpen

Osylaı dosym
Shybyrlap dápter paraǵyn
Oıymdy kópke jetkize alsam jaradym
Atadan qalǵan asyldyń bárin adam qyp
Shynynda bizder qaı jaqqa ketip baramyz ?

---