InfoHub Logo

Qazaq eli - Uly Dala eli degen kıeli uǵymdar ýaqyt arnasymen san qıly dáýirdi bastan ótkergen halqymyzdyń ótkeni men búgingi hal-kúıinen habar beretindeı. Otanǵa degen shynaıy mahabbat, búgingi urpaq aldyndaǵy ata-babalarymyzdyń ańsaǵan erkindigi Uly Jeńiske jetkizdi. Qazaq eli qazaq handyǵyn qurýdan bastalǵan qasıetti borysh «Máńgilik El» ıdeıasyna negiz bolyp, Qazaqstannyń ósip-órkendeýine jol ashatyn basty joba boldy. Qazaq eliniń tamyry tereńge jaıylǵan el tarıhynan syr sherter bolsaq, biz qazaq ne kórmedik, qanshama qıyn qystaýlardy, asharshylyq pen soǵys (ádeıi uıymdastyrylǵan asharshylyq pen 1941-1945jj Uly Otan soǵysy, 1979-1989 jj arasyndaǵy Aýǵan soǵysy men qatar keshegi 1986 j 16 jeltoqsannyń qandy oqıǵasy) elden jyraqqa ketip tilimizden aıyrylý, barlyǵyn bastan keshirdik. Biraq osynyń birde-birine qaımyqpastan keshegi ótken batyr aǵa-apalarymyz bolmasa búgingi kúngi Táýelsizdik jolyna aman-esen jeterme edik? Bolashaq urpaq úshin janyn aıamaı, óz ómirin qazaq eli úshin qasyq qany qalǵansha kúresip bizge ańsaǵan erkindikti alyp berdi. Mine, osynyń ózi - Máńgilik eldiń shańyraǵy bolyp tabyldy.

Táýelsizdik alyp, el bolyp esimizdi jınaǵan kúnnen bastap, qazaqtyń qamyn jeıtin perzenti – Nursultan Ábishuly eldiń joǵyn joqtap, asylyn ardaqtap keledi. Búkil álem qyzyǵa qaraıtyn elimizdegi tynyshtyq pen turaqtylyq, ekonomıkalyq damý, ultaralyq tatýlyq – Elbasymyzdyń syndarly saıasatkerliginiń jemisi. 1991 jyly Qazaq eli Táýelsizdigin álemge pash etip, moıyndatty. Bul kún búkil qazaq halqy úshin umytylmas, asqan bir meıram (aq túıeniń qarny jarylǵan kún) da boldy, qaısar jastaryn joǵaltqan qaraly kún de boldy. Aıdyń on bes kúni qarańǵy bolsa on besi jaryq degen dep, qazaq eli barlyq qaıǵyny umytty da, osy kúnge shúkirshiligin aıtty... Jerimizdiń keńdigindeı   kóńili keń darhan «qazaq» degen halyqpyz. Osy peıilimizdiń keńdiginiń arqasynda qazaq  jerinde kóptegen kóp ultty halyqtar mekendeıdi. Máselen: Júz otyzǵa jýyq ulttar ózbek, qyrǵyz, orys, tájik, túrik, ázerbaıjan t.b ult ókilderi men on segiz konfesıalyq top ókilderiniń bereke-birligi jarasyp, yntymaqtastyqta ómir súrip jatýy - elimizdiń ustanyp otyrǵan beıbitshilik pen kelisimdi saqtaý jolyndaǵy utymdy saıasaty men júzege asyryp otyrǵan aýqymdy áreketteriniń kórinisi. Sonymen qatar elbasymyz N.Á.Nazarbaevtyń nusqaýymen shet memleketterdegi qandas baýyrlarymyzdy shaqyrtyp, jaǵdaı jaratqandyǵy osyǵan dáıek. Bul da bir Máńgilik eldiń aıǵaǵy. Búgingi qazaq eliniń basty maqsaty - áleýeti joǵary, ekonomıkasy myǵym, birligi jarasqan, básekelestikke qabiletti, damyǵan 50 eldiń qatarynan kórinýi. Osy rette, Qazaqstan Respýblıasynyń Prezıdenti N.Á.Nazarbaevtyń «Máńgilik El» bastamasy uly maqsattarǵa jeteleıtin ıgi qadam bolary anyq. Bostandyq, erkindik, táýelsizdik - babalar armany. Al táýelsizdikke qol jetkizgen soń ony saqtap qalý, odan da qıyn. Táýelsizdikti saqtap qalý úshin el ishinde alaýyzdyqqa jol bermeý qajet.

Al, ol úshin halyqqa birtutas ıdeıa, alǵa jeteleıtin baǵyt-baǵdar, maqsat-murat kerek.
1. Qazaqstan men Astanannyń táýelsizdigi
2. Ulttyq birlik, bizdiń qoǵamymyzdaǵy bitim men kelisim
3. Zaıyrly qoǵam jáne joǵary rýhanılyq
4. Indýstrıalandyrý men ınovasıalar negizindegi ekonomıkalyq ósim
5. Jalpyǵa Ortaq Eńbek Qoǵamy
6.T arıhtyń, mádenıet pen tildiń ortaqtyǵy
7. Ulttyq qaýipsizdik jáne bizdiń elimizdiń jalpy álemdik jáne óńirlik problemalardy sheshýge jahandaq at salysýy. Osy qundylyqtar arqasynda biz árdaıym jeńiske jettik, elimizdi nyǵaıttyq, uly jetistikterimizdi eseledik. Jańa Qazaqstandyq Patrıotızmniń ıdeıalyq negizi osy memleket quraýshy, jalpyulttyq qundylyqtarda jatyr.

Máńgilik el bolý babalaryńnyń babalary armandaǵan, ańsaǵan asyl muratty balalarynyń balalary ardaq tutatyndaı memleket ornatý degendi, endi eshqashan bógdeniń bodandyǵyna túspeıtin, halyqtyǵyn, ulttyǵyn, eldigin, memlekettiligin árqashan áspetteıtin, úlgili úrdisterin maqtan etip, bar zamanda da uly men qyzynyń baǵy basynda turatyn, barsha halqynyń baqyty baıandy bolatyn el qurý boldy deıdi elbasymyz. Endeshe biz qazaq eli táýelsizdikpen birge Máńgilik eldiń Murattaryna qol jetkizdi. Biz elimizdiń júregi, táýelsizdigimizdiń tiregi bolǵan Astana qalamyzdy turǵyzdyq. Máńgilik El - bolashaqtyń jobasy, sondyqtan ol urpaqtar sabaqtastyǵy men jalǵasatyny málim. Uly Dala eliniń ǵalamat tarıhy men qaıtalanbas qundylyqtary týraly salıqaly oılar aıtyp, urpaqqa ulaǵat bolatyndaı ıgi ister atqarý - búgingi urpaqqa mindet, keleshek urpaqqa - amanat. Endigi urpaq - Máńgilik qazaqtyń Perzenti. Endeshe, Qazaq eliniń Ulttyq Ideıasy - Máńgilik el! Kóz qarashyǵymzdaı saqtaý máńgi muratymyz!

Paıdalanylǵan ádebıetter:
1. Elbasy joldaýy «Egemen Qazaqstan» gazeti 2016 j qarasha aıyndaǵy sany
2. Elbasy joldaýy - 2016j
3. Ǵalamtordan alynǵan materıaldar

Ońtústik Qazaqstan oblysy
Saıram aýdany, Jibek joly aýyly
«Bókeıhan» atyndaǵy jalpy orta mektebiniń
matematıka jáne ınformatıka pániniń muǵalimi
Akkýlıev Ilás Daýtovıch

---