Qaz edik qatar ushyp qańqyldaǵan,
Sahara kólge qonyp salqyndaǵan.
Bir órtke qaýdan shyqqan dýshar bolyp,
Ne qaldy tánimizde sharpylmaǵan?!
Alashtyń adamynyń bári málim:
Kim qaldy tarazyǵa tartylmaǵan?
Degender «men jaqsymyn» tolyp jatyr,
Jaqsylyq óz basynan artylmaǵan.
Taqyldap, qur pysyqsyp sóıleıtin kóp,
Ekpindep, ushqyr atsha qarqyndaǵan.
Bos belbeý, bosań týǵan bozbala kep
Kıizdeı shala basyp, qarpylmaǵan.
Eńkeńdep et ańdyǵan shaldar da kóp,
Telmirip, bir toıǵanyn ar qylmaǵan.
Aq kóńil, alań-bulań adamdar bar
Eseptep azyn kópke, ańqyldaǵan.
Qaıyrsyz, neshe sarań baılar da bar
Qaıyqtaı tolqyndaǵy qaltyldaǵan.
Bárinen tynysh uıyqtap jatqandar kóp,
Umtylyp talap oılap talpynbaǵan.
Solardyń qatarynda biz de júrmiz
Máz bolyp qur túımege jarqyldaǵan.
Ne paıda óneriń men bilimińnen,
Tıisti jerlerine sarp urmaǵan?
Bul bir sóz qasiret etip, hatqa jazǵan,
Qalmaǵan túk qasıet, qazaq azǵan.
Baıǵa mal, oqyǵanǵa shen maqsut bop,
Oılaıtyn jurttyń qamyn adam azdan.

---