InfoHub Logo

Meniń ana tilim - sheksiz baı, shuraıly, tegeýrini myqty til. Óıtkeni ómirdiń almastaı qyryn,abzal syryn túsine bilýime basty sebepker- sol ana tilim! Mynaý jaryq dúnıege kelgennen bastap, ananyń áldıimen boıyma  sińirip kele jatqan tilim men úshin eń qasterli, eń qymbatty til.Aqyn S.Toraıǵyrov ana tilimde:

Súıemin týǵan  tildi- anam tilin,

Besikte  jatqanymda-aq bergen bilim.

Shyr etip jerge túsken mınýtymnan,

Qulaǵyma sińirgen tanys únin,- dep jyrǵa qosqan.

Ana tilim - ata-babamyzdan mıras bolyp kele jatqan baǵa jetpes mura. Demek, ár adam  ana tilin kóziniń qarashyǵyndaı qorǵaýǵa, onyń tazalyǵyn saqtaýǵa tıis.Amal ne.., týǵan tilimizdi shubarlap, basqa  tildiń sózderimen aralastyryp sóıleıtinder de az emes.Tipti, týǵan tilinen bezetin soraqylardy da, mensinbeýshilikpen qarap, qazaqsha sóıleýge uıalatyndar kóringen kezde, belgili orys jazýshysy K.G.Paýetovskııdiń "Týǵan tiline jany ashymaǵan adam- jándik"degen sózi oıyma eriksiz oralady.

Ana tili - ar ólshemi. Olaı bolsa, tildi shubarlaý, kóńil tunyǵyn maılaý. Ana tildiń tereń ıirimderine boılaı  bilý- sanaly adam  bolǵysy keletin  jas adamnyń birinshi paryzy. Ol týǵan jerińdi,elińdi, súıikti Otanyńdy súıe bilý degen sóz. Aqıyq aqyn M.Maqataev "Otan" atty óleńinde:

Men onyń túnin súıem,kúnin súıem

Aǵyndy ózen,asqar taý ,gúlin súıem.

Men onyń qasıetti tilin súıem,

Men onyń qudiretti únin súıem,- dep otandy súıýdiń ,ana tilin súıýdiń qudiretti bıik sezim ekendigin bildiredi.

Qoryta kelgende, Abaı árlegen til, Jambyl jyrlaǵan til- qazaq tili  máńgilik tili bolyp qala bermek!

---