InfoHub Logo

Qazaq tili men ádebıeti pánderi boıynsha tyńdalym jumystarynyń toptamasy

Alǵy sóz
Berilgen kómekshi qural 7, 8 - synyptarynda qazaq tili men ádebıetin negizgi pán retinde oqytatyn mektep muǵalimderine arnalǵan. Kómekshi quraldyń maqsaty – oqýshylardyń tyńdalym daǵdylaryn qalyptastyra otyryp, qazaq tili men ádebıeti pánderine degen tanymdyq qyzyǵýshylyqtaryn arttyrý. Astana qalasyndaǵy Nazarbaev Zıatkerlik mektebinde bilim berý úrdisi kiriktirilgen baǵdarlamaǵa negizdelgen.
7 - synyptarǵa «Alǵashqy gazetter», «Ǵalamtor tarıhy», «Absent»,
8 - synyptarda «Atanyń aqyly», «Tońǵan torǵaı», «Ejelgi dáýir ádebıeti» taqyryptary boıynsha mátinder alyndy. Mátinder arnaıy dıskilerge jazylǵan, test suraqtary men tapsyrmalar jáne durys jaýaptary ádistemelik quralda qosa berilgen.
Oqýshy óz ana tilinde tyńdaǵan mátinin túsinýi jáne óz jumysyn uıymdastyra alýy V krıterııi negizinde jasalǵan arnaıy rýbrıkamen baǵalanady.
Bul toptama oqýshylardyń mátin mazmunyn tereńinen túsinýine jáne oılaý qabiletteriniń synı turǵydan damýyna septigin tıgizedi dep oılaımyz.

Tyńdalym № 1
Tońǵan torǵaı
Muqash qustardy jaqsy kóredi. Aspanda uzaq qalyqtap qanatyn qaqpaı demalatyn qyrandarǵa degen yqylasy óte erekshe. Barlyq qustardan qoryqpaıtyn qyrannyń batyldyǵyn, batyrlyǵyn áńgime ǵyp óziniń inisi Qojanǵa aıtyp otyrady.
Almatyny aq qar basty. Qara qarǵa, sýyq torǵaılardan basqa qustar jyly jaqqa ushyp ketkeli de biraz boldy. Keshke mektebinen qaıtyp kele jatqan Muqashtyń aldyn bir sýyq torǵaı keskesteı berdi. Muqash umtylyp ustaıyn dep edi, álgi torǵaı otyrǵan jerinen qozǵalmady. Muqash torǵaıdy ustaǵan boıy qoınyna tyqty. Ábden muzdaǵan bolýy kerek, Muqashtyń dúrsildep soqqan júregin tyńdap otyra berdi tońǵan torǵaı.
Muqash úıge qýanyp kirdi. «Ata, apa, men torǵaı ustap ákeldim» dep qoınyndaǵy torǵaıyn úıdegilerge kórsetip shyqty. Búrisken torǵaı kózin ashty. Ábden áli bitken bolýy kerek, qorqýdy, qashýdy oıyna da almady. Muqash nan qoqymdaryn aldyna qoıyp edi, shoqyp jeı bastady. Sóıtip bizdiń úıdi bir torǵaı qystaı mekendedi. Kóktem shyqty. Muqashtyń torǵaıy dalany ańsap terezeden syrtqa kóbirek qaraýdy shyǵardy. Apasy Muqashqa:
- Torǵaıyńdy qoıa ber. Onyń otany anaý keń dala, anaý bıik aspan. Óz Otanyna qoıa ber, - dedi. Muqash biraz oılandy da torǵaıyn qoıa berdi. Torǵaı alǵash tereze aldyndaǵy jas talǵa qondy... Sodan soń ári qaraı qanatyn qaǵyp ushyp ketti. «Torǵaıym, jolyń bolsyn» - dedi Muqash qýanyp. Múmkin eki - úsh aı úıde birge bolǵan torǵaıyn Muqash aıap turǵan da bolar, kim bilsin.
- Torǵaıyń qysta, múmkin, qaıtyp keler, - dep jubatty Muqashty úlken apasy. Muqash apasynyń sózine shynymen - aq sengisi keledi. Óıtkeni, ol torǵaıyn óte jaqsy kórip ketip edi.
(232 cóz)

İ nusqa
Nusqaýlyq: Ózgege kedergi keltirmeńiz!!! Jumys barysynda «Akademıalyq adaldyq» saıasatyn basshylyqqa alyńyz.
Mátindi muqıat tyńdańyz. Tómendegi suraqtar men tapsyrmalardy oryndańyz.
İ. Test suraqtary
1. Muqashtyń qandaı qustarǵa degen yqylasy erekshe boldy?
A) lashyndarǵa
B) qyrandarǵa
C) búrkitterge
D) kógershinderge
E) qarǵalarǵa
2. Muqash torǵaıdy ustaǵan boıy ne istedi?
A) qoınyna tyqty
B) alaqanyna saldy
C) basyna qoıdy
D) qaltasyna saldy
E) arqalady
3. Muqash torǵaıdy nemen tamaqtandyrdy?
A) sútpen
B) sýmen
C) nanmen
D) maımen
E) etpen
4. Muqash torǵaıǵa qandaı tilek aıtty?
A) Torǵaıym, aq jol
B) Torǵaıym, taýdaı bol
C) Torǵaıym, órkeniń óssin
D) Torǵaıym, jolyń bolsyn
E) Torǵaıym, bıikte samǵaı ber
5. Muqash kimniń sózine sengisi keldi?
A) apasynyń
B) atasynyń
C) ákesiniń
D) aǵasynyń
E) anasynyń

Qazaq tili men ádebıeti pánderi boıynsha tyńdalym jumystarynyń toptamasy. júkteý