InfoHub Logo

Tańdaý kýrsy
Aptasyna 1 saǵat, barlyǵy 34 saǵat
6 synyp

Qazaqsha kúres
Teorıalyq bólim
1 - sabaq (1 saǵat) Kúreske kirispe. Qazaqsha kúrestiń qysqasha tarıhyna toqtalý. Qazaq palýandarynyń ómiri men kúres joldary jaıly málimet berý. Kúrestiń negizgi maqsattary men mindetterin túsindirý.
2 - sabaq (1 saǵat) Seksıa jumysyn qalaı bastaý kerek? Basqa kúres túrleri sıaqty qazaqsha kúresti de óner retinde úıretýge ózindik mektebi bar seksıa kerek. Ol seksıa, árıne, bir top úırenýshilerden, jas talapkerlerden turady. Ony basqarýshy osy ónerdi búge - shigesine deıin biletin adam bolsa, nur ústine nur. Seksıaǵa jıyrma shaqty, tipti odan da kóp jas talapkerlerdi tartýǵa bolady. Seksıa ol óz aldyna jeke ujym.
3 - sabaq (1 saǵat) Talapkerlerdi kúres seksıasyna qabyldaý. Talapkerler normatıv tapsyrýǵa tıis. Biz odan onyń kúshin, jyldamdyǵyn, batyldyǵyn, áıteýir boıyndaǵy jylt etken barlyq qasıetin bilýimiz kerek.
4 - sabaq (1 saǵat) Jattyǵý kezeńderi. Kúres – úlken óner. Ony jalyqpaı úırengen adam ǵana meńgerip, san qıly qupıalaryna qanyǵa alady. Árıne, munda tabıǵı kúshtiń róli erekshe. Degenmen, sol bir kúsh qaınaryn aıalaı bilip, árdaıym kózin ashyp, shıryqtyryp turmasa, kúnderdiń kúninde ol sarqylyp qalýy da múmkin. Sondyqtan kúresti jaqsy meńgerý úshin jattyǵý kezeńderin jaqsy bilý kerek.
5 - sabaq (1 saǵat) Sport qural - jabdyqtary jáne jattyǵý orny. Kúres úshin sport jabdyqtary kerek. Arnaıy saıys kilemi nemese gımnastıkaǵa arnalǵan kilem, shtangalar, gırler, gantelder bolsa palýandar úshin jaqsy jaǵdaı jasalǵan degen sóz.
6 - sabaq (1 saǵat) Palýandardyń salmaq dárejesin anyqtaý. Kúreste salmaq zor ról atqarady. Palýan jarys kezinde ózine tán salmaqta ǵana saıysqa túsýge úırenedi. Jarysqa qatysýshylar jas erekshelikterine baılanysty túrlishe toptarǵa bólinedi.
7 - sabaq (1 saǵat) Bapker jaıly birer sóz. Shákirttiń naǵyz sheber bolýyna eń birinshi septigin tıgizetin, jatpaı - turmaı kómektesetin, úıretetin adam – jattyqtyrýshysy nemese bapkeri.