InfoHub Logo

Sabaqtyń taqyryby: Qazaqshańyz qalaı?
Sabaqtyń maqsaty:
1. Bilimdilik: Oqýshylardyń ótken taqyryptar boıynsha alǵan bilimderin pysyqtap, oı - órisin, bilim deńgeıin kóterý.
2. Damytýshylyq: Túrli ádis - tásilder arqyly oqýshylardyń til baılyǵyn, oılaý qabiletin, qazaq tilinde erkin sóıleý sheberlikterin jetildirý.
3. Tárbıelik: Oqýshylardyń memlekettik tilge degen qyzyǵýshylyǵyn arttyrý. Otanyn, týǵan jerin, elin súıýge, halyq dástúrlerin syılaýǵa tárbıeleý, shapshańdyq pen zerektikke baýlý.
Sabaqtyń túri: tanymdyq saıys sabaq
Sabaqtyń formasy: toptyq
Sabaqtyń ádisteri: evrıstıkalyq, reprodýktıvtik
Sabaqtyń tásilderi: demonstrasıalaý, baıandaý, kórsetý, ózdik jumys
Sabaqtyń kórnekiligi: sýretter, ınteraktıvti taqta, kespe qaǵazdar
Pánaralyq baılanys: orys tili, dúnıetaný, matematıka, beıneleý

1 - júrgizýshi: Qurmetti áriptester, oqýshylar! Búgingi «Qazaqshańyz qalaı?» atty tanymdyq saıys sabaǵymyzdy bastaýǵa ruqsat etińizder. Til saıysyn ótkizýdegi maqsatymyz - basqa ult ókilderiniń memlekettik tilge qurmetpen qaraýyn, sonymen qatar, ózara yntymaqtastyqta jumys jasaı alýǵa úıretý.

2 - júrgizýshi: Qadir Myrza Áli aıtqandaı, uly qazaq dalasynda 130-dan astam basqa ult ókilderi bir shańyraqtyń astynda tatýlyqta, syılastyqta ómir súrip jatqany bárimizge málim. Qazaqstan jerinde turatyn ár adam Otanyn súıý, mádenıeti men tilin bilý jáne olardy qasterleý qasıetti boryshy ekenin seziný qajet. Osyndaı maqsatpen bizdiń mektebimizdiń 4 - synyptar arasyndaǵy «Qazaqshańyz qalaı?» atty tanymdyq saıys sabaǵymyzdy bastaımyz.

1 - júrgizýshi: Búgingi saıys mynadaı kezeńderden turady:
1. Tanystyrý. (óz tobyn tanystyrý)
2. Sózder sóıleıdi... (shashyrańqy sózderden sóılem quraý)
3. Kim jyldam? (sózdikpen jumys)
4. «Ónerpaz bolsań...» (úı tapsyrmasy: óleń, maqal,
jumbaq, jańyltpash)
5. Sen bilesiń be? (suraq – jaýap)
6. Kim tapqyr? (sýret boıynsha áńgime quraý)
7. Kim júırik? (bir sóz quramyndaǵy áripterden sózder quraý)
8. Kapıtandar saıysy (bir áripten bastalatyn sózder aıtý)

2 - júrgizýshi: Saıyskerlerdiń bilimin tarazylap, ózderine baǵa berýshi ádil qazylar alqasymen tanys bolyńyzdar.

1 - júrgizýshi:
Betasharyn saıysymyzdyń bastaıyq,
Kórermenderdi bir serpiltip tastaıyq.
Tanystyrsyn saıyskerler ózderin.
Ónerine dý qol soǵyp qostaıyq.

2 - júrgizýshi:
Árbir tilde sóıle álemdi tań qylyp,
Ana tilin bilmeý qandaı zańdylyq?!
Óser balań, baıtaq dalań turǵanda,
Qazaq tili jasaý kerek máńgilik!

1 - júrgizýshi: Endi, qaı top birinshi bolyp bastaıtynyn anyqtaý úshin qorjynnan asyqty tandap, oıynnyń basynan aıaǵyna deıin kim birinshi bastaıtynyn anyqtaıdy.
(Qorjynnan asyqty alady: qyzyl asyqty alǵandar birinshi, kók asyqty alǵandar ekinshi, aq asyqty alǵandar úshinshi)

İ kezeń. Tanystyrý
İ top. «Jas qyran»
Qalyqtap kókte jas qyran,
Halyqpyz sózge toqtaǵan.
Tilimen topty jaratyn.
Tobymyz bizdiń - «Jas qyran»

İİ top. «Topjarǵan»
Shyǵarar namys topty aldan,
Dýaly aýyz tilge arman.
Saıysqa keldik bilimmen,
Tobymyz bizdiń - «Topjarǵan»

İİİ top. «Jas tulpar»
Tulpardyń baıqa shabysyn,
Tańdaımyz joldyń alysyn.
Bilim menen ónerde
Qorǵaımyz eldiń namysyn!

İİ kezeń. Sózder sóıleıdi... (shashyrańqy sózderden sóılem quraý)
1 - júrgizýshi: Ekinshi kezeń «Sózder sóıleıdi...» dep atalady.
2 - júrgizýshi: Saıyskerler bul kezeńde berilgen shashyrańqy sózderden durys sóılem quraý kerek.
1. dúkende sheshem satady kókónister meniń
2. qasynda bar úıdiń dárihana úlken
3. segizde keledi mektepke saǵat Danıar