InfoHub Logo

Aqtóbe qalasy,
«Symbat» jeke mektebiniń
Bastaýysh klasynyń muǵalimi
Makýova Nurshat Amanqosqyzy

Taqyryby: Qazaqshańyz qalaı?
Túri: tanymdyq oıyn
Maqsaty:1. Oqýshylardyń ótken taqyryptar boıynsha alǵan bilimderin pysyqtap, oı-órisin, bilim deńgeıin kóterý.
2. Túrli ádis-tásilder arqyly oqýshylardyń til baılyǵyn, oılaý qabiletin, qazaq tilinde erkin sóıleý sheberlikterin jetildirý.
3. Oqýshylardyń memlekettik tilge degen qyzyǵýshylyǵyn arttyrý. Otanyn, týǵan jerin, elin súıýge, halyq dástúrlerin syılaýǵa tárbıeleý.
Kórnekiligi: sýretter, ınteraktıvti taqta, kespe qaǵazdar.
İ. Uıymdastyrý kezeńi.
Oqýshylardyń nazaryn tanymdyq oıynǵa aýdarý.

İİ. Negizgi kezeń.
1-júrgizýshi:Qurmetti áriptester, oqýshylar!
Búgingi «Qazaqshańyz qalaı?» atty tárbıe saǵatymyzdy bastaýǵa ruqsat etińizder. Til saıysyn ótkizýdegi maqsatymyz - basqa ult ókilderiniń memlekettik tilge qurmetpen qaraýyn, sonymen qatar, teledıdarda júrgiziletin qazaqsha habarǵa qyzyǵýshylyqtaryn arttyrý.

2-júrgizýshi:Qadir Myrza Áli aıtqandaı, uly qazaq dalasynda 130-dan astam basqa ult ókilderi bir shańyraqtyń astynda tatýlyqta, syılastyqta ómir súrip jatqany bárimizge málim. Qazaqstan jerinde turatyn ár adam Otanyn súıý, mádenıeti men tilin bilý jáne olardy qasterleý qasıetti boryshy ekenin seziný qajet. Osyndaı maqsatpen bizdiń mektebimizdiń 3-shi synyptar arasyndaǵy «Qazaqshańyz qalaı?» atty tárbıe saǵatymyzdy bastaımyz.

1-júrgizýshi:Búgingi saıys mynadaı kezeńderden turady.
Júrisi:
1. Tanystyrý.
2. Doda.
3. Sóz máıegi-maqal.
4. Kim jyldam?
5. Áripter saıysy.
6. Sen bilesiń be?
7. Kim tapqyr?
8. «Ónerpaz bolsań...»- úı jumysy.

2-júrgizýshi: Saıyskerlerdiń bilimin tarazylap, ózderine baǵa berýshi ádil qazylar alqasymen tanys bolyńyzdar.
1-júrgizýshi:
Betasharyn saıysymyzdyń bastaıyq,
Kórermenderdi bir serpiltip tastaıyq.
Tanystyrsyn saıyskerler ózderin.
Ónerine dý qol soǵyp qostaıyq.

2-júrgizýshi:
Árbir tilde sóıle álemdi tań qylyp,
Ana tilin bilmeý qandaı zańdylyq?!
Óser balań, baıtaq dalań turǵanda,
Qazaq tili jasaý kerek máńgilik!

İ kezeń. Tanystyrý.
İ-top. «Jasqyran»
Qalyqtap kókte jas qyran,
Halyqpyz sózge toqtaǵan.
Tilimen topty jaratyn.
Tobymyz bizdiń - «Jasqyran»

İİ-top. «Topjarǵan»
Shyǵarar namys topty aldan,
Dýaly aýyz tilge arman.
Saıysqa keldik bilimmen,
Tobymyz bizdiń - «Topjarǵan»

İİ kezeń. «Doda»
Bul kezeńde ár topqa 10 suraq qoıylady. Berilgen suraqtarǵa toqtaýsyz, durys ári jyldam jaýap berý kerek.

İ topqa:
1. Qazaq álipbıinde neshe árip bar?
2. QR Memlekettik tili?
3. Qysta ne jaýady?
4. Jańyltpashtyń sózderi qalaı aıtylady?
5. Kúzdiń birinshi aıy?
6. Turlaýly múshege ne jatady?
7. Abaı Qunanbaevtyń shyn aty kim?
8. Bir táýlikte neshe saǵat bar?
9. Naýryzda pisiriletin basty taǵam?
10. Qazaqstan týynyń túsi qandaı?

İİ topqa:
1. Abaı Qunanbaıuly kim?
2. Qazaq tilinde jalǵaýdyń neshe túri bar?
3. Qys aılaryn ata:
4. Qazaq tiline tán neshe dybys bar?
5. Turlaýsyz múshelerdi ata?
6. Tyshqannan qorqatyn ań?
7. Tamaqty buzbaıtyn salqyn jáshik?
8. Bir jylda neshe kún bar?
9. Júz jasaǵan aqyn?
10. Sóılem neden quralady?

İİİ kezeń. «Sóz máıegi-maqal»
Saıyskerler Otan, til, dostyq týraly maqaldar aıtýdan jarysady.

İÚ kezeń. «Kim jyldam?»
Berilgen shashyrańqy sózderden durys sóılem quraý kerek.
1. Beınelengen, qanatty, jaǵynda, eki, eltańbanyń, pyraqtar.
(Eltańbanyń eki jaǵynda qanatty pyraqtar beınelengen)
2. Bizdiń, bildiredi, shańyraq, birtutastyǵyn, Otanymyzdyń.
(Shańyraq bizdiń Otanymyzdyń birtutastyǵyn bildiredi)

Ú kezeń. «Áripter saıysy»
Toptyń ár múshesi árip tańdap alyp, qoıylǵan suraqtarǵa sol áripten bastalatyn sózdermen jaýap beredi.

İ topqa:(a, e, t, o, s)
1. Qazaq tili páni unaı ma?
2. Dosyń kim?
3. Ádemi adamnyń armany ne?
4. Búgin qandaı kún?
5. Seniń kóziń qandaı?
6. Jigitter syrǵa taǵa ma?
7. Bala oqytatyn adam?
8. Bos ýaqytyńda ne isteısiń?
9. Qandaı taǵamdar unaıdy?
10. Jasyń neshede?

İİ topqa: (á, b, m, n, q)
1. Maqal bilesiń be?
2. Esimiń kim?
3. Aspanda ne bar?
4. Mektep muǵalimderi qandaı?
5. Qar qaı kezde jaýady?
6. Alma tátti me?
7. Kim bolǵyń keledi?
8. Adamdar neden qorqady?
9. Synybyńda neshe oqýshy bar?
10. Qandaı qalany bilesiń?

Úİ kezeń. «Sen bilesiń be?»
Taqtada alty uıashyqta suraqtar berilgen. Berilgen suraqtarǵa oılanyp, durys jaýap bereıik.
3---6---2
4---1---5
1) Qazaqtyń úsh bıin ata:
2) Naýryz kóje qalaı jasalady?
3) Tusaýkeser neni bildiredi?
4) «Qyz qýý» oıyny týraly ne aıta alasyń?
5) «Arqan tartys» oıynyn qalaı túsinesiń?
6) Qazaqtyń ulttyq oıyndaryn ata:

Úİİ kezeń. «Kim tapqyr?»
Bul kezeńde top basshylary taqtada berilgen sýretterdi is-qımylmen, ymmen túsindiredi.

Úİİİ kezeń. «Ónerpaz bolsań...»
Oqýshylardyń daıyndap kelgen ónerine toqtalaıyq.
1-júrgizýshi:
«Qazylar ornyqtyrar ádildikti,
Kimderdiń jaýaptary kámil shyqty.
Bilim men tapqyrlyqtyń saıysynda,
Jeńiske jeter deımiz naǵyz myqty», - degendeı, saıyskerlerimizdi baǵalaý úshin ádil qazylarymyzǵa sóz bereıik.

İİİ. Qorytyndylaý.
2-júrgizýshi: Qurmetti ustazdar men oqýshylar, «Qazaqshańyz qalaı?» atty saıysymyz óz máresine jetti. Til - ár ulttyń qaıtalanbas baılyǵy. Til bar jerde uıat ta, el de, jer de bolmaq. Tilden artyq qazyna, tilden artyq qasıet joq ekenine taǵy kóz jetkizdik. Saý bolyńyzdar!