InfoHub Logo

Dúnıetaný
Sabaqtyń taqyryby: Qazaqstan – egemen el.
Sabaqtyń maqsaty: Bilimdilik: Prezıdent, Parlament, Úkimet týraly uǵymdardy bilýge úıretý, tereńirek bilim berý.
Damytýshylyq: Oqýshylardyń oılaý qabiletterin, sózdik qoryn damytý. İzdenimpazdyqqa, shyǵarmashylyqqa baýlý.
Tárbıelik: Oqýshylardyń boıynda egemen el Qazaqstanǵa degen maqtanysh qalyptastyrý; balanyń tanymdyq belsendiligin arttyrý, oqýshylardy elin súıýge, Otanǵa degen maqtanysh sezimin arttyrýǵa, egemen elimizge qamqor bolýǵa tárbıeleý.
Sabaqtyń ádisi: toptyq, juptyq, dıalog, sahnalyq kórinis, refleksıa.
Kórnekilik qural: ınteraktıvti taqta, flıpchart, kartochka.

Sabaqtyń barysy:
İ Uıymdastyrý kezeńi:
Psıhologıalyq daıyndyq:
Joǵary qaradym aspandy kórdim,
Tómen qaradym jerdi kórdim.
Ońǵa qaradym,
Solǵa qaradym,
Egemendi el kórdim.

İİ. Jańa sabaq: /beınejazba /
Muǵalim: Otan
Áýelgi Otan – ana aldy, ottyń basy,
Aýyl aldy, aýnaǵan shóptiń qasy.
Saǵynǵanda tym ystyq kórinedi,
Jasta oınaǵan úıshik qyp saıdyń tasy.

Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken -
Bıik taý, orman, toǵaı, kólimizdi.

Otan deımiz keń - baıtaq astanany,
Jasyl jaılaý, jańa jol, jas qalany.
Otannyń sheti de joq, shegi de joq,
Ol biraq óz úıińnen bastalady.

Suraq - jaýap: 1. Osy estigen óleń joldary, nege arnalady?
- Balalardyń jaýaptary.
Muǵalim: Búgingi sabaqtyń taqyryby «Qazaqstan – egemendi el».
Qazaqstan elimiz týraly ne bilesińder?

Balalardyń jaýaptaryn, muǵalim kestege qysqa jazady./1 baǵan - 2 baǵan/

Bilemin Bilgim keledi? Úırendim

Sonymen búgingi sabaqta biz basqarýshy bılik týraly, olardyń qyzmetteri týraly oqyp, úırenemiz.
Osy suraqtarǵa jaýap berý úshin, sender tapsyrmany oryndaısyńdar.
Endi úsh topqa bólinemiz. oqýshylar topta jumys jasap, taqyrypty dáleldeıdi.

İ top.
Mátindi oqý, taldaý, túsindirý, dáleldeý.
Qazaqstan – egemendi el.
16 jeltoqsanda bizdiń elimizde ulttyq mereke – Qazaqstan Respýblıkasynyń Táýelsizdik kúni atap ótiledi. Tap osy kúni «Qazaqstan Respýblıkasynyń táýelsizdigi týraly» Zań qabyldanǵan.
1991 jyldyń 16 jeltoqsanynan bastap Qazaqstan derbes táýelsiz memleketke aınaldy. Qazaqstannyń óziniń Eltańbasy, Týy, jańa Ánurany, óziniń Konstıtýsıasy jasaldy. Qazaqstan halqynyń turmys jaǵdaıyn jaqsartýǵa arnalǵan zańdar qabyldandy.
Balalar úlkender tarapynan qamqorlyq pen kómek alýǵa quqyly. Olar otbasynda, baqyt pen súıispenshilik, túsinistik aıasynda ómir súrýge quqyly. 2002 jyly Qazaqstanda balalar quqyǵy týraly zań qabyldandy.
Qazaq tili – memlekettik til. Orys tili ultaralyq qarym – qatynas tili.

İİ top. Mátindi oqý, taldaý, túsindirý, dáleldeý.
Prezıdent.
1991 jyly jeltoqsanda Qazaqstan Respýblıkasynyń tuńǵysh Prezıdenti bolyp N. Á. Nazarbaev saılandy.
Prezıdent memlekettiń ishki jáne syrtqy saıasatyn basqarady. Úkimet qurady, zańdar men jarlyqtar shyǵarady. Ol halyq múddesin qorǵaý úshin halyq atynan sóıleıdi.
Qazaqstan Konstıtýsıasynda eldiń prezıdenti bolyp 40 jasqa tolǵan, memlekettik tildi erkin biletin jáne sońǵy 15 jylda Qazaqstanda turatyn adam saılana alady dep kórsetedi.

İİİ top. Mátindi oqý, taldaý, túsindirý, dáleldeý.
Parlament. Úkimet.
Qazaqstan Respýblıkadaǵy zań shyǵarý jumysymen Parlament aınalysady. Ol eki palatadan, ıaǵnı quramdas bólikten turady. Joǵarǵy palata - Senat, tómengi palata – Májilis dep atalady.
Prezıdenttiń Jarlyǵy men ókimderin, Parlament qabyldaǵan túrli zańdardy Qazaqstan Respýblıkasynyń Úkimeti júzege asyryp otyrady.
Úkimetti Premer – Mınıstr basqarady. Osy Qazaqstan Respýblıkasynyń Prezıdenti taǵaıyndaıdy. Úkimet quramyna Densaýlyq saqtaý, Bilim jáne ǵylym, Mádenıet, aqparat jáne qoǵamdyq kelisim, Qarjy, Syrtqy ister, Aýyl sharýashylyǵy, t. b mınıstrlikteri kiredi.
Salalyq mınıstrlikterdi mınıstrler basqarady. Olar – Úkimet músheleri. Olar memlekettiń damýy, azamattardyń qaýipsizdigi, elimizdiń qorǵanys qabileti josparyn jasaıdy.

İİİ. Bekitý: Sahnalyq kórinis:
Muǵalim: balalar, jańa taqyrypty taldap, bir - birine túsindirdińder.
Qazir, biz ony bekitemiz. Ony oıyn túrinde ótkizemiz. Jetondardy tańdaý.
- Jetonǵa jazylǵan sózderge qarap topqa bólinesińder. Balalar, mátinderdi oqyp, bir - birine túsindirip, taqtaǵa shyǵyp, taqyryp boıynsha túsingenderińdi róldik oıyn arqyly kórsetińder.
Prezıdent - 1bala
Parlament - 4 bala / Senat - 2, Májilis - 2/
Úkimet - 8 bala
Densaýlyq saqtaý mınıstrligi
Bilim jáne ǵylym mınıstrligi
Mádenıet, aqparat jáne qoǵamdyq kelsim mınıstrligi
Qarjy mınıstrligi
Qorǵanys mınıstrligi
Syrtqy ister mınıstrligi
Aýyl sharýashylyǵy mınıstrligi
Premer – Mınıstr
Árqaısylaryn qyzmetterińdi bilesińder ǵoı?
Muǵalim: Bizdiń aýylymyzdy kórkeıýine, damýyna zań shyǵarý kerek.
Ony kim shyǵarady? – Balalardyń jaýaptary.
Oıyn kórsetiledi.

İÚ. Test: 1. Bizdiń memlekettiń basshysy kim?
2. Prezıdent neni basqarady?
3. Qazaqstanda balalar quqyǵy týraly zań qashan qabyldandy?
4. Parlament qandaı jumystar atqarady?
5. Úkimet quramyna qandaı músheleri kiredi?
/dápterlerin aýystyryp tekserý/.

Úİ. Shyǵarmashylyq jumys:
"Meniń Otanym" taqyrybyna esse jazý.

Daryndy oqýshylarǵa qosymsha "Otan" týraly óleń shyǵarý.

Tómen oqıtyn oqýshylarǵa kartochkamen jumys.
Sóılemdi jalǵastyrý. /tómen oqıtyn oqýshylar/
1. 1991 jyly 16 jeltoqsanda Qazaqstan ----
2. Qazaq tili -...
3. Úkimetti...
4. Mınıstrlikti mınıstr...

V. S/qorytyndysy:
Úı jumysy «Eger men Prezıdent bolsam» esse jazý.

"Insert" strategıasyn jalǵastyrý. Kesteniń 3 bóligin toltyrý.
Ne úırendik?

Baǵalaý.
Sabaqtyń basynda berilgen baǵalaý paraǵynyń bólikteri boıynsha bilimderin baǵalap, qorytyndy baǵa qoıady.

Refleksıa
Oqýshylarǵa kúnniń kózi beınelengen sýretter taratylady. Balalar óz oılaryn sol sýrette beınelengen kúnniń kózi boıynsha kórsetedi. Sabaq unasa kúnniń kózin kúlimsiretip qoıady, eger unamasa túzý syzyq qoıyp, unamaǵanyn bildiredi. Paraqtyń artyna ózderine nemen unaǵanyn nemese nemen unamaǵanyn ashyq jaza alady.