Qazaqstan jáne Qytaı agrarlyq-tehnıkalyq ýnıversıtetteri stýdent almasýǵa kelisti
Búgin Qazaqstannyń agrotehnıkalyq ýnıversıtetteriniń jetekshileri men aýyl sharýashylyǵy mamandarynyń Qytaı Halyq Respýblıkasyna arnaıy sapary aıasynda Jáńgir han atyndaǵy Batys Qazaqstan agrarlyq-tehnıkalyq ýnıversıteti men Soltústik Batys aýyl sharýashylyq, orman sharýashylyq ǵylym-tehnıka ýnıversıtetiniń arasynda ózara kelisim týraly memorandým jasasty. Bul týraly QR ASHM baspasóz qyzmeti habarlady.
Atalǵan yntymaqtastyq jónindegi kelisimge Jáńgir han atyndaǵy Batys Qazaqstan agrarlyq-tehnıkalyq ýnıversıteti rektory N.Serǵalıev pen Soltústik Batys aýyl sharýashylyq, orman sharýashylyq ǵylym-tehnıka ýnıversıtetiniń rektory Sý Chı Shın qol qoıdy.
Memorandýmnyń basty maqsaty - ǵylymı-zertteý jáne bilim berý salasyndaǵy taraptardyń kezeńdik jáne júıeli túrde tájirıbe almasýyna jáne yntymaqtastyqqa járdemdesý bolyp tabylady.
Onyń aıasynda, profesorlyq-oqytýshylar quramy, doktaranttar, magıstranttar men stýdentterdiń akademıalyq utqyrlyǵyn damytý jáne izdenýshilerge ǵylymı, pedagogıkalyq jáne zertteý taǵylymdamalarynan ótýge járdemdesý, almasý barysynda stýdentterdiń oqý úrdisinde alǵan kredıtterin ekijaqty taný, ózara múmkin bolatyn bilim berý baǵdarlamalaryn jáne eki dıplomdy bilim berýdi damytý úshin ýnıversıtetterdiń ǵylymı jáne bilim berý múmkinshilikterin paıdalaný jáne t.b. mindetter kózdelýde.
Sondaı-aq, bilim berý men ǵylymnyń ózekti máseleleri boıynsha birlesken sımpozıýmdar, halyqaralyq ǵylymı-praktıkalyq konferensıalar men semınarlar uıymdastyrý, ortaq ǵylymı-zertteý baǵdarlamalary men jobalardy qolǵa alý josparlanýda.
Kelisimniń basymdyqqa ıe baǵyttaryna birlesken ǵylymı-zertteý uıymdaryn uıymdastyrý arqyly jańa tehnıka men tehnologıalardy ıgerip, ınovasıalyq kásiporyndar jáne oqý men ádebıettermen almasý úshin birlesken avtorlyq ujymdar qurý jatady.
Aıta keteıik, «Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýty» JSHS bas dırektory A.Saǵıtov bastaǵan Qazaqstannyń agrotehnıkalyq ýnıversıtetteriniń jetekshileri men aýyl sharýashylyǵy mamandarynan quralǵan arnaıy top ústimizdegi jyldyń 23 qarashasynan beri QHR aýmaǵyndaǵy aýyl sharýashylyǵynyń eń basty óndiristik keshenderi men salalyq oqý oryndarynyń jumystarymen tanysýda.
You Might Also Like
-
Rım atalǵanda kóz aldyńa Kolızeı, Parıj degende Eıfel munarasy elesteıdi. Qalalardyń kórikti, tanymal jerlerinen bólek qalalarda kópshilik bile bermeıtin qyzyqty art-nysandar, beıneli aýdandar da bar.
-
Nazarbaev Ýnıversıtet jetekshiligi Gonkong stýdentterin grantpen oqytý múmkindigin qarastyrýda, al 2020 jylǵa qaraı JOO-daǵy sheteldik stýdentter sanyn 20% deıin jetkizý josparlanǵan.
