InfoHub Logo

Nazarbaev Ýnıversıtet jetekshiligi Gonkong stýdentterin grantpen oqytý múmkindigin qarastyrýda, al 2020 jylǵa qaraı JOO-daǵy sheteldik stýdentter sanyn 20% deıin jetkizý josparlanǵan. 

Bul týraly Gonkong polıtehnıkalyq ýnıversıtetinde ótken «Bir beldeý - bir jol» qoldaý isinde áleýetti nyǵaıtýǵa jáne talanttardy kómek kórsetýge baǵyttalǵan konferensıada Nazarbaev Ýnıversıtettiń akademıalyq ister boıynsha vıse-provosty Loretta O'Donnell málim etti, dep QazAqparat habarlaıdy.

«Bir beldeý - bir joldyń» negizi bilim, joramaldardy tekserý jáne bizdi biriktiretin ortaq dúnıelerdi tabý. Bıznes salasynda, ıntellektýaldy jáne zertteý salasynda múmkindikter ashylýda», - degen Loretta O'Donnelldiń sózin keltiredi «South China Morning Post» (SCMP) basylymy «Qazaqstandyq ýnıversıtet «Bir beldeý - bir jol» aıasynda gonkongtik stýdentterge stıpendıalar usynýy múmkin» degen maqalasynda.

O'Donnelldiń aıtýynsha, Gonkong qazaqstandyq stýdentterge stıpendıalyq baǵdarlamalar usynady, sol sebepti Nazarbaev Ýnıversıtet te gonkongtik stýdentterge qatysty osyndaı qadam jasaýǵa nıetti. Biraq, jospardyń jaı-japsary áli naqtylanǵan joq.

«O'Donnell ýnıversıtettegi 4 myń stýdenttiń 14-i ǵana sheteldik ekenin aıtty. 2020 jylǵa qaraı ýnıversıtet halyqaralyq stýdentter sanyn JOO stýdentteriniń 20% deıin jetkizýdi josparlap otyr», - dep atap ótti SCMP. Basylymnyń habarlaýynsha, Nazarbaev Ýnıversıtettiń akdemıalyq ister boıynsha vıse-provosty Gonkongty qazaqstandyq stýdentterdi tartý arqyly paıda tabýǵa shaqyrdy. «Bizde adamı kapıtal bar degen oıdamyz jáne Gonkong úkimeti de muny jaqsy biledi», - dedi O'Donnell.

SCMP 2016 jyldyń maýsym aıynda Gonkong Bilim berý búrosynyń «Bir beldeý - bir jol» aýqymyndaǵy elderden kelgen 100 stýdentke bilim grantyn bólý úshin 1 mıllıard gonkong dollary bar qor qurý týraly jospar qurǵanyn eske aldy. 

---