InfoHub Logo

Qansha jyldyq tarıhy bar balalar basylymy “Ulan” gazeti daryndy, ushqyr oıly jastarǵa tárbıe berýde. Gazettiń tuńǵysh jaryq kórgen kúni 14 naýryz. Balalar men jasóspirimderge arnalǵan bul gazet eń alǵash “Jas Alash” gazetiniń betterinde tanyla bastaǵan. Ol kezdegi basylym ataýy “Pıoner” boldy.

Basylym ár oqyrmannyń júreginen oryn alyp, olarǵa shyǵarmashyl ári rýhanı orta qalyptastyra bildi. Gazettiń qurylýyna belgili jazýshylar men qoǵam qaıratkerleri B.Maılın, M.Áýezov, S.Muqanov, S.Seıfýllın, B.Soqpaqbaev, S.Esova, İ.Jansúgirov atsalysty. 

Keıinnen gazet ataýy “Oktábr balalary”, “Qazaqstan pıoneri” bolyp ózgertildi. Al 1990 jyldan bastap gazet ataýy “Qazaqstan pıonerinen” “Ulan” bolyp ózgerdi. Basylym ataýy belgili bir sebepterge baılanysty ózgerip otyrsa da, eshqashan óz maqsatyn umytqan emes. Árdaıym balalardy jańa aıdarlarymen tańǵaldyryp ári qyzyqtyryp otyrdy. Gazettiń alǵashqy beti Alaqaı aıdarymen bastalyp, onda jas jetkinshekterdiń jetistikteri jarıalanyp otyrdy. Bul jas qalamgerlerdi shabyttandyryp turdy. “Ulan” gazeti zaman talabyna saı erekshe aıdarlarymen oqyrmandardyń júregin jaýlap keledi.

Bul – balalarǵa arnalǵan gazet bolǵanymen, óte túıindi baspasóz. Onyń ishinde mádenıet, óner, ulttyq jáne halyqaralyq merekeler, kórmeler, elimizdiń mádenı sharalary talqyǵa salynady.

Ulan gazetiniń jas tilshileri maqala jazýǵa mashyqtanyp, aýqymdy taqyryptarda qalam terbep júr. Atap aıtar bolsam, Aıgerim Esimhan, Aınur Ańlamasova, Aıaýlym Abaeva syndy jas tilshiler. Aıaýlym Abaevanyń maqalasyn alyp qarastyratyn bolsaq, ol óz maqalasynda qazaqtan shyqqan tuńǵysh jýrnalıser jaıynda sóz qozǵaǵan. Jáı jýrnalıs emes, dáriger-jýrnalıst Aqqaǵaz Dosjanovanyń medısına salasynda bilim alyp, tek osy salada jumys jasap qana qoımaı, baspasóz arqyly da halyqtyń kózin ashýǵa talpynǵanyn ashyp kórsetedi. Aıaýlym Abaevanyń bul maqalasynan qazaqtan shyqqan tuńǵysh jýrnalıs qyz Názıpa Quljanova bolsa, densaýlyq jaıynda jáne túrli aýrýlar týraly aqparatty eń alǵash usynǵan tuńǵysh dáriger-jýrnalıst Aqqaǵaz Dosjanova týraly bile alamyz. (18.04.2023)

Búginde eldiń súıispenshiligine bólenip júrgen “Ulan” gazetiniń balalarǵa qyzmet etip kele jatqanyna 90 jyldan astam ýaqyt boldy. Bul gazet tek oqyrmandaryna aqparat taratyp qana qoımaı, sonymen qatar jas qalamgerlerdiń jýrnalısıka salasyna degen mahabbatynyń oıanýyna da sebepker bolǵan. Qazirgi tańda gazettiń bas redaktory – Jadyra Narmahanovanyń arqasynda basylym óz jumysyn tabysty jalǵastyrýda.

Paıdalanylǵan ádebıetter tizimi:

1. Allabergen Qyryqbaı, Nusqabaıuly Jarylqasyn, Orazaı Faızolla. Qazaq jýrnalısıkasynyń tarıhy (1870-2008 jyldar). /Q. Allabergen, J. Nusqabaıuly, F. Orazaev. – Almaty: Bilim, 2010. – 308 bet.

BALǴABEK Qarlyǵash
Jýrnalısıka fakúltetiniń
1-kýrs stýdenti

---