InfoHub Logo

Aıtýly oqıǵa Serbıanyń astanasy Belgradta oryn aldy. Qazaqstan quramasy bul týrnırge alǵashqy ret qatysyp otyrǵanyna qaramastan, qola júldeni jeńip aldy. Evropanyń azýly komandalaryn shań qaptyryp, bizdiń qurama jurtshylyqtyń erekshe yqylasyna bólendi.

Esterińizge sala keteıik, buǵan deıin shırek fınalda bizdiń komanda Evropa chempıony Italıany 5-2 esebimen tize búktirgen bolatyn. Ókinishke oraı,jartylaı fınaldyq kezdesýde álem chempıondary ıspandyqtarmen ótken teń oıynda 3-5 esebimen jeńilip qaldy. Alaıda, 3-oryn úshin ótken machta qazaqstandyq oıynshylar tamasha oıyn órnegin kórsetip, alań ıeleri Serbıany 5-2 esebimen jeńdi. Qazaqstandyqtar sapynda goldardy Dýglas(3 gol), Jamanqulov jáne qaqpashy Igıta bir-bir goldan soqty. Toptyq kezeńde Reseı men Horvatıa quramalarynyń arasynda 2 - shi oryndy ıelengen bolatynbyz. Qazaqstan bapkeri brazılıalyq  Kakaýdyń pikirinshe, bul jetistik - elimizde osy sport túriniń damýyna serpin bereri sózsiz. Sondaı-aq, shabýylshy Serik Jamanqulov týrnırde 6 gol soǵyp, portýgalıalyq Rıkadınomen birge,  jarystyń úzdik shabýylshylary tizimin bastady. Búgin fınaldyq kezdesýde Ispanıa men Reseı quramalary kúsh synasady

---