InfoHub Logo

Adam balasy dúnıege kelgennen soń, belgili bir maqsattar men armandar jolynda áreket jasap, ómir súredi. Báriniń arman maqsattary ár túrli bolǵanymen, qorshaǵan ortasy bir, ol jasyl-jelekti tabıǵat ana. Eń alǵashqy bolyp ta, qudiretti qorshaǵan ortamen tanysady. Álemniń eń qundy, orny tolmas, sarqylmas qazynasy ol-jer anasy, jasyl alqapty keń dalasy men ný ormany...

Ekstremızm men terorızm búgingi tańda eń ózekti másele bolyp otyr. Saıasatta belgili bir baǵyt retinde ekstremızm radıkaldy kózqarastardy júzege asyrýdyń túrli ádisterin ustanady. Ol memlekettiń tutastyǵyna, qoǵamnyń birligine qater tóndirip, zorlyq-zombylyqpen, fanatızmmen, ózderiniń prınsıpterin qorǵaı almaıtynymen, ymyraǵa kelmeýimen sıpattalady. Óziniń qaýipti tájirıbesinde ekstremızm terorızmmen tyǵyz baılanysta. Terorızmge jáne ekstremızmge qarsy turý -bul álemde quqyq pen tártipti qamtamasyz etýdiń mańyzdy baǵyty. Tirkelgen qylmystardyń jalpy sanynyń terorıstik jáne ekstremıstik sıpattaǵy qylmystardyń shamaly bóligi bolyp tabylatyndyǵyna qaramastan, olar qoǵamnyń, memlekettik jáne quqyq qorǵaý organdarynyń teris reaksıasyn týdyrady.

Búgingi tańda memleket ekstremıstik jáne terorıstik kórinisterdiń aldyn alý, eskertý, anyqtaý jáne jolyn kesý boıynsha birqatar sharalar júrgizip jatyr. «Máselen, dinı ekstremızm men terorızmge qarsy is-qımyl aıasynda «Qazaqstan Respýblıkasynda 2013-2017 jáne 2018-2022 jyldarǵa arnalǵan dinı ekstremızm men terorızmge qarsy is-qımyl týraly» memlekettik baǵdarlamalar qabyldandy. Osy baǵdarlamalardy júzege asyrý aıasynda memlekettik organdar adamnyń, qoǵamnyń jáne memlekettiń qaýipsizdigine, dinı ekstremızmniń zorlyq-zombylyqty kórinisterinen jáne terorızm qaýpinen qorǵaýǵa baǵyttalǵan birqatar sharalardy júzege asyrýda», – dedi Almaty qalalyq Qoǵamdyq damý dıreksıasy.

Joǵaryda atap ótken eski jáne jańa memlekettik baǵdarlamalardy ázirleý kezinde, negizinen, dinı ekstremızm men terorızmniń taralýynyń aldyn alý jáne oǵan qarsy turýda Eýropa men Taıaý Shyǵystaǵy birqatar elderdiń ozyq tájirıbeleri eskerildi. Ony zerdeleý úshin memlekettik organdardyń mamandarynyń ártúrli elderge attanýy uıymdastyryldy jáne osy saparlardyń nátıjesinde quqyq qorǵaý organdary arasyndaǵy yntymaqtastyq týraly birqatar memorandýmdarǵa qol qoıyldy.

Sondaı-aq, bizdiń mamandarymyzdy Birikken Arab Ámirlikteri men Saýd Arabıasynyń sottalǵandardy radıkalızasıalaý máselesindegi sátti tájirıbesi qyzyqtyrdy. Qazaqstan Respýblıkasynyń Din isteri jáne azamattyq qoǵam mınıstrligi tipti «Hedaıa» halyqaralyq ortalyǵynyń basshylyǵymen qatygez ekstremızmge qarsy turý maqsatynda birqatar kezdesýler uıymdastyrdy.

Jetekshi: Rýshanova N.B

---