InfoHub Logo

Qazaqstannyń kez kelgen óńirinde turyp joǵary aılyq alýǵa bolady. Qalaı ekenin qazir bilesiz!

Qazaq jastary úshin joǵary jalaqyly jumysqa kirý óte mańyzdy másele. Buǵan qalaı qol jetkizýge bolady?

Aqsha tabýdyń belgili birneshe joldary bar:

1. Kásipkerlik nemese saýda.

2. Óner. Ánshi, bıshi, kúıshi balapan bolý.

3. Sport. Fýtbol, boks, aýyr atletıka t.b.

4. Aılyqqa jumys.

Alǵashqy 3 jol boıynsha tabys tabý múmkindigi barlyǵynda joq. Sondyqtan, biz aılyqqa jumys jasaý týraly áńgimelesetin bolamyz.

Kim jáne ne úshin sizge aqsha tóleý kerek?

Jumys berýshi - jeke kásipker kompanıa, nemese memlekettik, búdjettik mekeme bolýy múmkin. Jumys berýshiniń problemasyn sheshkenińiz úshin sizge aqsha tóleıdi.

Mysaly, memlekettik mektep úshin -  5 - synyp oqýshylaryn matematıka pánine úıretý máselesi bar, osy máseleni sheshýge matematık mamanyna kelisilgen aqshany berip otyrady. Dál sol sıaqty, restoran - tamaq tasý máselesin, daıashyǵa aqsha tóleý arqyly, aıaq kıim satatyn dúken - taýarlardy adamdarǵa berip olardan aqsha alý máselesin, satýshyǵa aqsha tóleý arqyly sheshedi. Oıdyń baǵytyn túsingen shyǵarsyzdar. 

Qysqasy, aılyq belgili bir atqarylǵan jumys, ıaǵnı sheshilgen másele úshin tólenedi. Másele qanshalyqty qıyn bolǵan saıyn, ony sheshýge sonshalyqty kóp aqsha tólenedi. Sáıkesinshe, qıyn máselelerdi sheshetin adamdardyń jalaqysy, jeńil másele sheshetinderdikinen joǵary bolady.

Jumystardyń túrleri óte kóp, biraq olardy jumys jasaý quralyna qaraı bólýge bolady:

1. Kúshpen, denemen sheshiletin máseleler.

2. Mımen, aqylmen sheshiletin máseleler.

"Bilekti birdi jyǵady, bilimdi myńdy jyǵady" degen maqaldy bárimiz estigemiz ǵoı. Osy qaǵıda qazirge deıin ózekti. 

Árıne, daıashy bolyp, kúzetshi bolyp, taksı júrgizip te jaqsy aqsha taýyp júrgender bar shyǵar, biraq, kópshilik jaǵdaıda mımen jumys jasaıtyn adamdar, kúshpen jumys jasaıtyndarǵa qaraǵanda kóbirek aqsha tabady.

Báke, Sáke, tanys arqyly jumysqa kirý jolyn qarastyrmaımyz. Sebebi, kóp jaǵdaıda bul az jalaqyly, memlekettik jumys. Ol jerde sizdiń másele sheshkenińiz eshkimge kerek emes, ary ketse baryp kel, shaýyp kelmen aınalysasyz. 

Ákimdikke kirip, birer ýaqyttan soń adamdardan para alý, memlekettik qazynadan jymqyryp qalý jolyn da qarastyrmaımyz. Sebebi, bundaı arsyzdyqqa barǵannan, jumyssyz ashtan ólgen artyq dep esepteımin.

Bizge belgili bir salany úırenip, osy salada óz oı-sanamyzdy paıdalanyp, adal aqsha tabý nusqasy qyzyq. Kóp aqsha tabý. 

Ol qandaı sala bolýy múmkin? Mysaly, siz aǵylshyn tilin jaqsy bilesiz deıik. Qujattardy aýdarýmen aınalysatyn mekemege jumysqa kirýge bolady. Zańdy jaqsy bilseńiz, notarıýs bop, sot oryndaýshysy bolyp nemese konsýltant bolyp jumysqa kirýge bolady. Bundaı mysaldar óte kóp. Biraq, bul salalarda sizden joǵary oqý orynyn bitirgen dıplom talap etýi múmkin.

Al dıplomsyz, tanyssyz, úlken eńbek ótilisiz, qolmen emes mımen jumys isteıtin, basqa qalaǵa barmaı, óz turǵylyqty jerinde isteıtin, osynyń barlyǵyna qosa joǵary aılyq alatyn jumys tabýǵa bola ma?

Bolady. Osy jerde maqalanyń eń qyzyq jerine de kelip jettik.

Programmıst - bolashaqtyń mamandyǵy! Kez-kelgen adam programmıst bola alady. Iá, kez-kelgen. Qazir álemde programmısterdiń úlken tapshylyǵy baıqalýda. Óz elinde jumysshy taba almaǵan kompanıalar, shet elderden, qashyqtyqta jumys isteıtin programmısterdi jumysqa alady. Qazir Úndistannyń halqy jumyssyzdyqtyń esesinen programmıst mamandyǵyn jappaı úırenip, qashyqtyqtan jumys jasap júr. Ýkraına, Belarýs elderinde de mundaı trend kóp baıqalady. Álemdegi eń jyldam damyp jatqan Azıa barysynyń biri, Sıngapýr eli, osy jolmen búkil eldiń ekonomıkasyn kóterip otyr. 

Qazaqstannyń ózinde programmıster tapshylyǵy óte úlken dárejede. Ortasha biletin mamandardyń jalaqysy 400 myń teńgeden bastalady. Endi jumys bastap júrgen programmıster keminde 100-150 myń teńge jalaqy ala alady. Sózime senbeseńiz, elimizdegi basty jumys tabý saıty hh.kz saıtyna kirip qarap kórińizder. 

Árıne, bir mezette bas salyp programmıst bop kete salý múmkin emes. Oǵan daıyndalý kerek, durys qadamdar jasaý kerek.

Qorytyndylasaq, másele bylaı:

Programmıst mamandyǵy jaıly, qandaı túrleri bar ekendigi, qalaı meńgerýge bolatyny jáne jumysqa kirý úshin ne isteý kerektigi jaıly aqparat jınaý kerek. 

Bir baǵytty tańdap, sol boıynsha 2 aıdan - 6 aıǵa deıin oqyp daıyndalý kerek.

Qalada turatyn bolsańyz, junior programmıst bolyp jumysqa kirý kerek. Basynda 1 aı tegin jumys jasaýyńyz da múmkin. 

Jarty jyldaı junior bolyp 100-150 myń teńgege jumys jasasańyz, sosyn middle(ortasha dáreje) dárejesine qalaı jetkenińizdi ózińiz baıqamaı qalasyz. 

Middle programmıst bolyp, 500 myń teńgeden artyq aılyq alyp júrgen kóp programmıst dostarym bar. Al bul dárejedegi programmıst, óz jumysymen qatar, qosymsha jumystar alyp, taǵy qosymsha 150-200 myń teńge aıyna taba alady. Sonda, yntamen eńbekpen kirisken jaǵdaıda jarty jyldyń ózinde 700 myń teńgege aılyqqa jumys isteýge bolady.

Árıne, árkimniń qabileti, yntasy, talpynysy ártúrli. 700 myń emes 300 myń bolǵannyń ózi óte jaqsy emes pe? Jarty jyl programmıst bolǵan adam, ári qaraı úzdiksiz damyp otyrady. Ári qaraı Senior dárejesine jetip, 1 mıllıon teńgeden asyp túsý tek ýaqyt máselesi. 

Eger aýylda turatyn bolsańyz, ınternet arqyly bilim jınaısyz. Frılans (qashyqtyqtan isteıtin) jumystar óte kóp. 5-6 aı boıy frılansta jumys jasap tájirıbe arttyratyn bolsańyz, middle dárejesine jetkende belgili bir kompanıaǵa úıden otyryp jumys jasaıtyn bolyp, árdaıymǵy jumysqa ornalassańyz bolady. 

Joǵaryda aıtylǵannyń bári bar nárse, bolatyn nárse. Ózim aýyldyń qara balasymyn. Kóp balaly otbasyda dúnıege keldim. Muǵalim men dárigerdiń balasymyn. Qazaq synybyn bitirdim. Programmıst mamandyǵyna oqymadym, barlyǵyn ınternet arqyly ózim úırendim. Qazirde Birikken Ulttar Uıymynyń bergen tapsyry boıynsha múgedekterdi qoldaýǵa arnalǵan ınternet júıe jasaýmen aınalysyp jatyrmyn. Úlken kompanıada jumys jasaımyn. Aılyǵym óte jaqsy)

Talpynysy joq adam syltaý izdeıdi. Mıyn qozǵamaǵan adam stroıkada belin qozǵaıdy. Eger sizge anyq programmıst bolý qyzyq bolsa, óz ómirińizdi jaqsy jaǵyna ózgertkińiz kelse, suraqtaryńyzdy qoısańyz bolady. Barynsha keńes berýge, baǵyt-baǵdar berýge tyrysamyn. Nazarlaryńyzǵa raqmet!

Esterińizde bolsyn, "Oqý - bilim bulaǵy, bilim - ómir shyraǵy"!

---