Qazaqstanda 32 joǵary oqý orny qaıta qurylady
Qazaqstanda 32 joǵary oqý orny komersıalyq jáne komersıalyq emes aksıonerlik qoǵamdar bolyp qaıta qurylady. Bul týraly búgin Úkimet otyrysynda memlekettik menshik nysandaryn túgendeý máselesi boıynsha baıandama jasaǵan QR Qarjy mınıstri Baqyt Sultanov málim etti.
«Joǵarǵy oqý oryndardy jekeshelendirý boıynsha: Bilim jáne ǵylym mınıstrligimen birlesip jekeshelendirýdiń mynadaı nusqasy ázirlendi. 32 joǵarǵy oqý oryndary komersıalyq jáne komersıalyq emes aksıonerlik qoǵamdar bolyp qaıta qurylatyn bolady. Bul jumys 2017 jyldan bastalady. 2020 jylǵa aksıalardy qosymsha shyǵarý jolymen jeke kapıtaldy tartý júzege asyrylatyn bolady», - dedi Sultanov.
Onyń aıtýynsha, Bilim týraly zańnamaǵa tıisti ózgerister engizilgennen keıin 2018 jyly kolejder úlken kásiporyndarǵa jáne ýnıversıtetterge senimgerlik basqarýǵa usynylady.
«6 medısınalyq joǵarǵy oqý orny boıynsha 2017 jyldan bastap strategıalyq áriptestiktermen birlesip, qamqorlyq baǵdarlamasy júzege asyrylady. 2018 jyldan bastap - ýnıversıtettik klınıkalardy birlesip basqarý boıynsha sharalar júzege asyrylatyn bolady. 2019 jyldan bastap - senimgerlik basqarýǵa berý júzege asyrylady», - dedi ol.
You Might Also Like
-
Qazaqstandyq mektep oqýshylary baǵdarlamalaýdan ótken 17-shi Búkilreseılik komandalar olımpıadasynyń jeńimpazy atandy.
-
Semeıde Qazaqstan Respýblıkasy Táýelsizdiginiń 25 jyldyǵyna oraı Nazarbaev zıatkerlik mektebi ashyldy. Fızıka-matematıkalyq baǵytta oqytatyn jańa mektep 720 orynǵa arnalǵan.
