InfoHub Logo

Qazaqstanda úshtildi bilim berý baǵdarlamasy aıasynda oqýlyqtar daıyndala bastady.

Eske sala keteıik, elimizdiń mektepterinde úshtildi oqytý baǵdarlamasy engizilýde. 2019 jyldan bastap, joǵary synyptarda (10-11-12 synyptar) hımıa, fızıka, ınformatıka men bıologıa aǵylshyn tilinde oqytyla bastaıdy. Baǵdarlamany 2023 jylǵa deıin kezeń-kezeńimen engizý josparlanǵan.

«Qazir daıyndyq, jasaqtaý prosesi júrip jatyr. Bizdiń uıym («Ýchebnık» respýblıkalyq ǵylymı-tájirıbelik ortalyǵy - red.) sarapshy bolyp tabylady, biz atalǵan oqýlyqtardy saraptamadan ótkizemiz. Ázirge ol oqýlyqtar qolymyzǵa tıgen joq, biraq olar daıyndalýda. Biz saraptama men oqýlyqtardyń tájirıbelik tekserisin 2017-2018 jyldary ótkizýdi josparlap otyrmyz», - dedi uıym dırektorynyń orynbasary Saıat Omarov.

Onyń atap ótkenindeı, Nursultan Nazarbaevtyń Joldaýynda bilim salasyna qatysty aıtylǵan tapsyrmalar birneshe mindetti sheshýge baǵyttalǵan. Sonymen qatar bilim berý salasy el damýynyń eń basty faktory retinde aıshyqtalǵan.

Joldaýda aıtylǵan úshtildi bilim berý baǵdarlamasyn kezeń-kezeńmen engizýden keıingi basty mindetterdiń biri - qarjylyq jáne IT-bilimdi damytý, jastardyń boıynda patrıottyq sezimdi qalyptastyrý. Qala jáne aýyl mektepterindegi bilim sapasynyń aıyrmashylyǵyn qysqartý, muǵalimderdiń tapshylyǵyn joıý jáne jumyssyz júrgen nemese ózin-ózi jumyspen qamtyp otyrǵan jastarǵa kásibı-tehnıkalyq bilim berý.

---