Qazaqstanda kompúterlik baǵdarlamalaý bastaýysh synyptan oqytyla bastaıdy
Búgin Almatyda ótip jatqan «Jahandaný dáýrindegi sıfrlyq kúntizbe» forýmynda QR Premer-Mınıstriniń orynbasary Asqar Jumaǵalıev sıfrlyq jobalardy júzege asyrý baǵytynda atqarylyp jatqan jumystar jaıynda baıandady.
Vıse-premerdiń aıtýynsha, memleket sıfrlyq tehnologıalardy damytýǵa barynsha kúsh salyp otyr.
«Balalardy bastaýysh synyptan baǵdarlamalaýǵa úıretetin bolamyz. Joǵarǵy synyp oqýshylaryna kásipkerlik boıynsha tálim alý mańyzdy. Olar startapty, óndiristi qalaı bastaý kerektigin bilýi tıis. JOO-larda barlyq mamandyqtar boıynsha İT-tehnologıalardyń oqytylýyn qadaǵalaımyz. Mamandardyń İT salasynda alǵan bilimin jetildirýge kúsh salamyz», - dedi Asqar Jumaǵalıev.
Búginde Qazaqstan elektrondy úkimetti damytý boıynsha reıtıńte 33-orynda tur.
Aıta keteıik, forým barysynda QR Premer-Mınıstri Baqytjan Saǵyntaev elimizde memlekettik qyzmetti avtomattandyrýdy 80%-ǵa jetkizý kózdelip otyrǵanyn aıtqan bolatyn.
«Bizge arnaıy telekomýnıkasıalyq ınfraqurylym kerek. Eldi mekenderdiń barlyǵynda keń jolaqty ınternet bolýy tıis. Optıkalyq talshyqtar kirmeıtin jerlerge 2020 jylǵa deıin spýtnıktik baılanysty paıdalanatyn bolamyz. Sıfrlandyrý tehnologıasyn engizý óndiristi birneshe ese arttyrýǵa septigin tıgizbek. Sondyqtan, úkimet ınovasıalyq ekojúıe quryp otyr. Osy maqsatta eldegi jas bilikti mamandardy yntalandyrý qolǵa alynǵan», - dedi A.Jumaǵalıev.
QazAqparat
You Might Also Like
-
Krıs Gardner kishkentaı ulymen birge qoǵamdyq dárethananyń edeninde uıyqtap júrgen kezde, bir kezderi óz ómiriniń jelisimen Gollıvýdta áıgili fılm túsiriletini týraly úsh uıyqtasa túsine kirgen emes.
-
Reseı Úkimetiniń basshysy Dmıtrıı Medvedev qazaqstandyq IT mamandar úshin Reseıdiń barlyq esigi ashyq ekenin aıtty.
