InfoHub Logo

Daryndy jastardyń elden ketýin azaıtý maqsatynda shetel ýnıversıtetteriniń fılıaldaryn ashý josparlanyp otyr. Bul týraly búgin Úkimet otyrysynda QR Premer-Mınıstri Asqar Mamın aıtty.

«Bilim salasyn damytý máseleleri óte ózekti ári mańyzdy ekenin bilesizder. Básekege qabiletti adamı kapıtaldy damytý - «bilim ekonomıkasyna» kóshýdiń negizgi faktory. Sondyqtan qoǵamda bilim berýge árqashan erekshe talaptar qoıylyp, úlken nazar aýdarylady. Osyǵan oraı, «Nur Otan « partıasynyń baǵdarlamasyn iske asyrý aıasynda bilim berýdiń mazmunyn jańartý, onyń jańa ınfraqurylymyn qurý, pedagogtar men oqýshylardy áleýmettik qoldaý boıynsha naqty sharalar ázirlendi», - dedi Úkimet basshysy.

Onyń atap ótýinshe, 2024 jylǵa qaraı pedagogtardyń jalaqysy men stýdentterdiń shákirtaqysy 2 ese ósedi. 800 jańa mektep salynyp, 5000 aýyl mektebi jańartylady. Kolejderde 9 synyptyń negizinde bilim berý tolyǵymen tegin bolady. 10 kolej bızneske senimgerlik basqarýǵa berildi.

«Bul tájirıbeni odan ári jalǵastyrý qajet. Ýnıversıtetterdiń bilim berý baǵdarlamalary kásibı standarttardyń negizinde 100 paıyz jańartylady. Bul túlekterdiń jumysqa ornalasý múmkindigin arttyrady. Daryndy jastardyń elden ketýin azaıtý maqsatynda shetel ýnıversıtetteriniń fılıaldaryn ashý josparlanyp otyr. 20 otandyq jetekshi joǵary oqý orny óńirlerdiń ósý nysanasy bolady. Nazarbaev Ýnıversıtetiniń tájirıbesi boıynsha ınovasıalar men jańa tehnologıalardy damytýmen aınalysatyn eki ozyq joǵary oqý orny qurylady», - dedi Asqar Mamın.

---