InfoHub Logo

Eýropalyq jáne halyqaralyq buqaralyq aqparat quraldary Qazaqstandaǵy Prezıdent saılaýy jaıly aqparat taratýda. Solardyń keıbirine toqtalyp ótsek.

Alǵashqylardyń biri bolyp pikir bildirgen Euronews "Qazaqstandaǵy saılaý: Narazylyq kórsetýshiler ustalyp, bılik partıasy saılaýdy qoldan jasaýda" dep maqala jarıalady. Basylymnyń jazýynsha, bılik partıasymen birge saılaýǵa qatysqan partıalardyń barlyǵy – "Nur Otanmen" dos, aýyz jalasqan partıalar. Sondyqtan bılik partıasynyń basym daýyspen jeńiske jetetinini aıdan anyq edi.

"Máselen, Ulttyq sosıal-demokratıalyq partıasy (Qazaqstan halyq partıasy) ózin opozısıalyq partıa dep ataǵanymen, saılaý kúni eshqandaı narazylyq uıymdastyrǵan joq", - dep jazady.

Sondaı-aq, basylym Elorda men Almaty qalasynda narazylyqqa shyǵyp, ustalǵan azamattar jaıly da aıtyp, QR İshki ister mınıstriniń orynbasary Arystanǵanı Zapparovtyń olardy esh aıyptaýsyz bosatyp jibergenin jazdy.  

Voanews basylymy "Bılik partıasy basym daýysqa ıe" atty maqalasynda "bılik partıasy – "Nur Otannyń" saıası reformalardy ótkizemiz degen ýádesine qaramaı, avtorıtarlyq rejimdi odan ári kúsheıtý úshin qoldan saılaý uıymdastyrdy" dep baǵa beredi.

"Qazaqstanda ekzıt-poll bılik partıasy tarapynan qatań baqylaýda. Bul elde birde-bir ret ádil ári demokratıalyq talaptarǵa saı saılaý bolǵan emes. Al prezıdent Qasym-Jomart Toqaev saıası reformalar bastaımyz dep ýáde bergenimen, burynǵy lıder Nursultan Nazarbaev buǵan kedergi jasaýda. 80 jastaǵy Nazarbaev 800 myńdyq múshesi bar "Nur Otan" partıasy arqyly bılik tutqasyn ustap otyr", - dep jazady basylym.

Jýldyzaı Smagýlova

---