InfoHub Logo

Birneshe kúnnen beri otandyq BAQ-tyń betinen túspegen qazaqstandyq stýdent Temir Han Exclusive portalyna suhbat berip, óz Otany týraly jamandyq aıtpaǵanyn alǵa tartty.

Shýly posttyń avtory kóptegen basylymdar onyń sózin durys bermegenin aıtyp, suhbat berýge bel býǵan.

"Men bul posttyń munshalyqta tanymal bolatynyn tipti boljamappyn. Buǵan deıin osy mazmundaǵy posttar jazyp kórgen emespin. Meniń oqıǵam - kádimgi kez-kelgen jas azamattyń oqıǵasy. Bireýler "baıdyń balasy" dep aıyptap jatyr. Amerıkada tursań, bizdikiler úshin "baıdyń balasy" bolyp shyǵa kelesiń. Meniń ata-anam - qarapaıym adamdar, baı otbasynan shyqqan joqpyn. Biraq kezinde olar barynsha men úshin tyrysty, sonyń arqasynda men bilim alyp, damydym", - deıdi otandasymyz.

Aıtýynsha, adamdardyń oǵan degen yzasynyń sebebi de túsinikti. Ol Amerıkadaǵy tek kóńildi ótkizgen ýaqytynan syr shertetin sýretterdi ǵana salyp otyrǵan: sulý qyzdarmen qushaqtasyp turǵany, kalán shekkeni, kabrıolette otyrǵany, serfıngte júrgeni.

"Biraq osynyń bári maǵan mańdaı termen kelgen: jasóspirim shaǵymda men kompúterlik klýbtar men túngi klýbtardyń ornyna kitaphanada otyryp, fransýz jáne aǵylshyn tilin oqydym. QazUÝ-dy bitirgen soń  Work and Travel baǵdarlamasy boıynsha AQSH-qa attandym. Daıashy, takıst bolyp jumys istedim. 120-150 dollar alyp turdym. Odan keıin oǵan qol siltep, ekonomıkalyq bilimimdi jetildirýge bel býdym, aǵylshyn tilin jergilikti azamattardan kem bilmeıtinimdi dáleldedim", - dep jalǵastyrdy Temir.

Otandasymyz jalǵyz turyp, barlyq shyǵyndy ózi tólep turatynyn aıtty. Bedeldi qarjy kompanıasynda qyzmet etetin jigittiń grınkartasy bar eken. Biraq azamattyǵyn áli aýystyrmapty.

"Amerıka maǵan oń kózben qarady. Bárine sondaı qatynas tanytady. Biraq men Amrıkanyń jaqsy kóretindigim - Otanymdy jek kórem, maǵan barlyq bergen dúnıesi úshin razy emespin degen sóz emes", - deıdi ol.

Temir teris kommentarılerge renjimeıtinin aıtady. Ol bárin jappaı AQSH-qa kóshýge shaqyrmaǵanyn da alǵa tartady, tek qaı jerde nápaqańdy taba alasyń, sol jerge aıaq basý kerek ekendigin meńzegenin sózge tilge tıek etti.

"Eger siz otanymyzda jaqsy qyzmet taýyp, ómir súrip jatsańyz, siz úshin shyn júrekten qýanyshtymyn. Men de aıaǵyma tik turǵym keldi, biraq kóptegen basqa jigitter sıaqty meniń elde jolym bolmady", - deıdi Temir.

Suhbatty otandasymyz: "Men Otanymyzdy jaqsy kóremin. Elimiz týraly eshqashan jamandyq jazǵan emespin. Biraq Otandy búrokratıamen shatastyrýdyń qajeti joq. Bárin bir Alla kórip tur. Amerıkada men qazaq bolyp qaldym", - dep aıaqtady.

Eske sala ketsek, buǵan deıin habarlaǵanymyzdaı, AQSH-ty kórgen qazaq balasy Qazaqstannan sanaly túrde bas tartty.

Áleýmettik jelilerde belsendiler AQSH-ty kórip, endi elge qaıtyp oralǵysy kelmeı qalǵan qazaqstandyq stýdentke jarysyp jaýap jazdy. Otandastarymyz stýdentti synap, "jar salyp ketýdiń qajeti shamaly" ekenin aıtqan.

Sonymen qatar birer kún buryn Facebook-tiń basqa qoldanýshysy Erkin Bahazathan Qazaqstannan shetelge ketýdiń basty sebepterin tizbektep bergenedi.

---