InfoHub Logo

Sabaqtyń taqyryby: Qazaqstannyń qoryqtary
Sabaqtyń maqsaty: Qoryqtar týraly málimet berý.
İ. Bilimdilik: balalardy qoryqtardyń túrlerimen tanystyrý. Ótilgen sózderdi bekitý, sóz, sóz tirkesterin sóılemde durys qoldana bilýge úıretý.
İİ. Damytýshylyq: ózge ult ókil balalaryn qazaq tilin durys sóıleýge, jazýǵa, oı - órisin, oılaý qabiletin damytý.
İİİ. Tárbıelik: elin, jerin súıip, halqyna adal qyzmet etýge, tabıǵatty qorǵaýǵa, tabıǵat arqyly ásemdikti tanýǵa, ony qasterlep, qadirleý arqyly ǵylym - bilimdi meńgergen kókiregi oıaý azamat tárbıeleý.
Sabaqtyń tıpi: jańa sabaqty meńgertý
Sabaqtyń túri: modýldik oqytý.
Sabaqtyń ádis – tásili: túsindirý, baıandaý, suraq - jaýap.
Sabaqtyń kórnekiligi: qoryqtardyń sýretteri, belsendi taqta, úlestirmeli kartotekalar, kórmeler

Sabaqtyń barysy:
İ. Uıymdastyrý kezeńi: (2 mınýt)
- Sálemetsizder me, balalar?
- Synypta kim kezekshi?
- Synypta kim joq?
Til damytý:
- Qazir qaı aı?
- Aqpan aıynda neshe kún bar?
- Búgin neshesi?
- Bir aptada neshe kún bar?
- Búgin aptanyń qaı kúni?
- Qazir qandaı sabaq?
- Qazaq tili neshinshi sabaq?

İİ. Úı tapsyrmasyn tekserý: (3 mınýt)
- Úıge qandaı tapsyrma berildi?
- Tabıǵat týraly maqal - mátelderdi jattap kelý.
(Oqýshylarǵa kúndi jazdyrtyp belsendi taqtadan qoryqtar týraly beıne rolıkti kórsetý (5mınýt) Beıne taspadaǵy kórsetilgen sýretti oqýshylarǵa tanystyryp otyrý)

- Balalar búgingi bizdiń ótetin taqyrybymyz «Qoryqtar» dep atalady. Búgingi bizdiń sabaǵymyzdyń maqsaty: (4 mınýt)
- Balalar, biz qoryqtar taqyrybyn ótý maqsatynda mátinmen jumys isteı bilýge, suraqtarǵa durys jaýap berýge, óz betterinshe dıalog quraýǵa, mátinmen jumys arqyly sóıleý tilimizdi damyta otyryp, qazaq tilinde durys sóıleýge durys jazýǵa daǵdylana otyryp, oı - órisimizdi, oılaý qabiletterińizdi damytatyn bolasyzdar. Sonymen birge balalar elimizge, jerimizge, halqymyzǵa adal qyzmet etýge, qoryqtarymyzdan ásemdikti taný arqyly ǵylym - bilimdi meńgergen kókiregi oıaý azamat tárbıeleý maqsatynda sabaǵymyzdy ótkizgeli otyrmyz. (Belsendi taqta arqyly ár qoryqqa sıpattama berip ketý) Sonymen qatar balalar sizderge kórsete ketetin myna jerde materıaldarymyz bar. Mynaý ózderińiz kórip turǵandaı Qyzyl kitap. Qane aıtaıyqshy Qyzyl kitap dep atalýynyń sebebi nelikten? (Balalar jaýap beredi) Durys aıtasyńdar balalar keshe biz sabaǵymyzdyń kirispe bóliminde tabıǵat týraly toqtalǵan bolatynbyz tabıǵat – halyq qazynasy, onyń baılyǵyn paıdalana otyryp qorǵaı bilýimiz qajet. Soǵan baılanysty 1966j. bizdiń elimizde «Halyqaralyq tabıǵat qorǵaý qoǵamy» quryldy. Onyń basty maqsaty - sany sırep, quryp bara jatqan ań - qustardy, ósimdikterdi qamqorlyqqa alyp, qyzyl kitapqa tirkeý. Mundaı kitapty «Qyzyl kitap» dep ataǵan. Onyń qyzyl jáne sary paraqtary bar, ıaǵnı qyzyl paraǵyna quryp bara jatqan, al sary paraǵyna sany azaıyp bara jatqan ań - qustar, ósimdikter tirkeledi. Sondyqtan da osyndaı sırek kezdesetin ań - qustar men ósimdikterdiń sany azaımaý úshin, ol úshin biz bárimiz tabıǵatty qorǵaı bilýimiz kerek.
1. Mátinmen jumys. Belsendi taqtada berilgen mátindi ár balaǵa tizbektep oqytý, aýdartý. Mátin boıynsha jospar qurý jáne suraq daıyndaý. (6 mınýt)
A) aýdarý; B) jospar qurý; V) suraq daıyndaý

2. Sýret boıynsha jumys. Taqtadaǵy «Qazaqstannyń qoryqtary» degen buryshqa biz meniń qolymdaǵy toǵyz qoryqtyń qorjynynda jatqan suraqtarǵa tolyq jaýap berý arqyly biz búgingi taqyrybymyzdyń aıasyn ashatyn bolamyz, olaı bolsa men ár qatarǵa sýretterdi bólip beremin. Ár qatardaǵy bala ıaǵnı tórtten birigip osy suraqtyń jaýabyn top boıynsha jaýap berýlerine bolady. (3 mınýt)

Suraqtar:
1. Qazaqstanda neshe qoryq bar? Atap berińder.
2. Qoryqtar qandaı maqsatpen ashyldy?
3. Aqsý-Jabaǵyly qaı jyly qurylǵan jáne qaıda ornalasqan?
4. Barsakelmes qoryǵynyń jer aýmaǵy?
5. Alakól qoryǵynda qandaı qus mekendeıdi?
6. Naýryzym, Almaty qoryǵy qaı jyly quryldy?
7. Barsakelmes qoryǵynda qandaı ósimdikter men janýarlar bar?
8. Qandaı kitapty «Qyzyl kitap» dep ataıdy?
9. Qorǵaljyn qoryǵy qaı jerde ornalasqan?

3. Dıalogpen jumys. 2 - tapsyrma boıynsha qorǵalǵan Qazaqstannyń qoryqtary týraly jup boıynsha dıalog quratqyzý. (5 mınýt) 4. Gramatıkalyq tapsyrma. Endi qazir balalar bárimiz belsendi taqtaǵa kóz salaıyq. Aldarynda osy bıylǵy jyly ótken gramatıkalyq taqyryp boıynsha eske túsirý testi jazylyp tur. Senderge 2 mınýt ýaqyt beriledi.

ESKE TÚSİRÝ TESTİ (3 MINÝT)
--- tıanaqty oıdy bildiredi.
Sóılem maǵynasyna qaraı --- bólinedi.
Eki nemese birneshe jaı sóılemnen quralyp, kúrdeli oıdy bildiretin sóılem --- dep atalady.
Qurmalas sóılem ---,---,--- bólinedi.
Quramyndaǵy jaı sóılemderiniń baıandaýyshtary tıanaqty bolyp, ózara teń dárejede baılanysqan qurmalas sóılemniń túri ---.
Jalǵaýlyqty salalas qurmalas sóılem ---,
---,---,---,--- bólinedi.
Quramyndaǵy jaı sóılemderiniń alǵashqysy tıanaqsyz bolyp, sońǵysyna baǵyna baılanysqan qurmalas sóılemniń túri --- dep atalady.
Baǵynyńqy sabaqtas qurmalas sóılem ---,---,---,---,---,--- bolyp bólinedi.
Mine sendermen sóılemdi jáne onyń túrlerin eske túsirdik. Endi biz sendermen deńgeılik tapsyrmalar oryndaımyz. Iaǵnı teorıalyq jaǵyn biledi ekenbiz, sony praktıkalyq jaǵynan tekserip kóreıik.